მეოცე საუკუნის ლიტერატურის ერთ-ერთი თვალსაჩინო წარმომადგენლის, ცნობილი ირლანდიელი მწერლის ჯეიმს ჯოისის შემოქმედება კარგად არის ცნობილი უფროსი ასაკის მკითხველისთვის. 2012 წელს პირველად გამოიცა მისი ორი საბავშვო ნაწარმოები - ეს გახლდათ მწერლის მიერ თავის შვილიშვილთან გაგზავნილი წერილები, სადაც ორი საინტერესო ამბავია მოთხრობილი.
შაბათის შეხვედრაზე ამჯერად სწორედ ჯოისზე და ამ წიგნზე ვისაუბრებთ.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

მწერალთა სახლის, საბერძნეთის საელჩოსა და თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის ორგანიზებით 14 თებერვალს,18:00 საათზე, მწერალთა სახლში გაიმართება ბერძნული ენის დღისადმი მიძღვნილი საღამო, რომელზეც ბერძენი მწერალი, დიმიტრის ნოლასი წაიკითხავს ლექციას.

დიმიტრის ნოლასი 7 თებერვლიდან 21 თებერვლამდე მწერალთა სახლის რეზიდენციაში იცხოვრებს და, ვიზიტის ფარგლებში,
მთარგმნელთან, ანი ჩიქოვანთან, ერთად საკუთარი წიგნის ქართულ თარგმანზე იმუშავებს.

ღონისძიებაზე დასწრება თავისუფალია!

"სალამურას თავგადასავალი", "ბიჭი და ძაღლი", "მტრედები", "ზევით და ქვევით", "ლუკა"... პოეტური კრებულები, სცენარები ფილმებისა და მულტფილმებისთვის... ეს არასრული ჩამონათვალია იმ ლიტერატურული მემკვიდრეობისა, რომელიც არჩილ სულაკაურმა დაგვიტოვა.
15 თებერვალს მწერლის დაბადების დღეა. ჩვენი შაბათის შეხვედრა სწორედ მის შემოქმედებას ეძღვნება.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

20 თებერვალს, 18:30 საათზე მწერალთა სახლში გიწვევთ ციკლის „საუბრები ხელოვნებაზე“ პირველ შეხვედრაზე.

ღონისძიების სტუმრები იქნებიან ერეკლე დეისაძე და ვინდა ფოლიო. მუსიკოსებთან შეხვედრას მოდერაციას გაუწევს გია ხადური.

„საუბრები ხელოვნებაზე“ იქნება შეხვედრების ციკლი თანამედროვე და ტრადიციულ ხელოვნებაზე, მუსიკაზე, თეატრზე, კინოზე,ლიტერატურაზე, ქალაქზე და სხვადასხვა საინტერესო თემაზე.

შეხვედრები თვეში ერთხელ გაიმართება და ინფორმაცია მათ შესახებ მწერალთა სახლის ვებგვერდსა და ფეისბუქ გვერდზე განთავსდება.

დასწრება თავისუფალია!