9 თებერვალს ბერძნული ენის მსოფლიო დღე აღინიშნა.
საბერძნეთის ხსენებაზე, ალბათ, ბევრს გაგახსენდებათ ბერძნული მითები - საოცარი ამბები სამყაროს შექმნაზე, ღმერთებზე და გმირებზე... ჩვენი შემდეგი შეხვედრა სწორედ ბერძნულ მითოლოგიას ეძღვნება.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

27 თებერვალს, 18:30 საათზე, ივანე ჯავახიშვილის სახელობის თსუ-ს გრეცისტიკის ინსტიტუტი და მწერალთა სახლი გიწვევთ დავით წერედიანის ხსოვნის საღამოზე.

ღონისძიებას გაუძღვებიან პოეტი და მთარგმნელი გიორგი ლობჟანიძე და მთარგმნელი ნანა ტონია.

აბა, რომელმა თქვენგანმა არ იცის "კიკლი, კიკლი, კიბესა" ან "ჩიტო, ჩიტო, ნაცარავ", "ეს საწყალი კურდღელი" ან "ტოროლა და ოლოლი"? დარწმუნებული ვარ, ისიც იცით, რომ ეს და სხვა შესანიშნავი ლექსები მაყვალა მრევლიშვილს ეკუთვნის, რომლის დაბადების დღეც 14 თებერვალს იყო. ბავშვების საყვარელი პოეტის დაბადებიდან 111 წელი შესრულდა. ჩვენს შაბათის შეხვედრაზე კიდევ ერთხელ გავიხსენოთ მაყვალა მრევლიშვილი, მისი საოცარი საბავშვო ლექსები, ასე გავაცილოთ ზამთარი და მივეგებოთ გაზაფხულს.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.