"ჰენსელი და გრეტელი", "რაპუნცელი", "ჭკვიანი ელზა", "ბრემენელი მუსიკოსები", "წითელქუდა", "კონკია", "მძინარე მზეთუნახავი"... ეს და უამრავი სხვა ზღაპარი კარგად არის თქვენთვის ცნობილი. ისინი გერმანული ფოლკლორიდან გადაამუშავეს და წიგნად გამოსცეს გერმანული ხალხური კულტურის მკვლევარებმა, ძმებმა გრიმებმა.

ჩვენს მომდევნო შეხვედრაზე სწორედ ძმებ გრიმებსა და მათ მიერ გამოცემულ ზღაპრებზე ვისაუბრებთ. წავიკითხავთ რამდენიმე ზღაპარს, რომლებიც ქართულად ცნობილმა მთრგმნელმა, დავით წერედიანმა თარგმნა.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

ადამიანები ძველთაგანვე თხზავდნენ სხვადასხვა ამბებს, ზღაპრებს, ლექსებს, რაც ზეპირად გადაეცემოდა და თაობიდან თაობაში ვრცელდებოდა. ხალხური შემოქმედება ანუ ფოლკლორი მრავალ ჟანრს მოიცავს - როგორც ზეპირსიტყვიერების ნიმუშებს, ასევე სიმღერებს, ცეკვებს, თამაშობებს, სხვადასხვა რიტუალებს. ხალხური ზეპირსიტყვიერება მნიშვნელოვანი კულტურული მემკვიდრეობაა. ჩვენს შემდგომ შეხვედრაზე ქართულ ფოლკლორზე ვისაუბრებთ, წავიკითხავთ ხალხური ზეპირსიტყვიერების ნიმუშებს.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

მწერალთა სახლში გაიმართება წიგნის საჯაროდ კითხვის მსოფლიო დღის დასკვნითი ღონისძიება.

დახურვის ღონისძებაზე მწერლები, ლევან ბერძენიშვილი, ანა კორძაია-სამადაშვილი და დათო გორგილაძე ისაუბრებენ თემაზე - როგორ აისახა საქართველოს თანამედროვე ცხოვრება თანამედროვე ლიტერატურაში. საუბრის ბოლოს კი ხმამაღლა წაიკითხავენ ლიტერატურულ ტექსტებს.

ტრადიციულად, წიგნის საჯაროდ კითხვის მსოფლიო დღის დასკვნით ღონისძიებაზე უკვე მეხუთედ გამოვლინდება და დაჯილდოვდება წლის წიგნის ქომაგი.

საქართველოს წიგნის გამომცემელთა და გამავრცელებელთა ასოციაციის ინიციატივით საქართველოში უკვე მეხუთედ აღინიშნება წიგნის საჯაროდ კითხვის მსოფლიო დღე, რომელიც დატვირთულია უამრავი ლიტერატურული ღონისძიებით მთელი საქართველოს მასშტაბით.

დასწრება თავისუფალია.