იცით, სად ცხოვრობს მოხუცი მეზღაპრე?

ის ადგილი აქედან შორს არის. ირგვლივ სულ მაღალი ლურჯი მთებია, შუაში კი სწორი ცისფერი ტბა კამკამებს.
იცით, როგორ წერს ზღაპრებს?

საღამოს, ცეცხლის პირას, გამოდიან კურდღლები, მელიები, ციყვები, მაჩვები და ტურები. შეკრავენ ცეცხლის ირგვლივ წრეს. სხედან მორჩილად და სათითაოდ ჰყვებიან თავთავიანთ ამბებს.

მოხუცს კი გაშლილი აქვს სქელი, ვეებერთელა რვეული, დამჭკნარ ტუჩებთან მალ-მალე მიაქვს წვერბოკოლა ფანქარი და მერე იმ ვეებერთელა რვეულში წერს, წერს მათ ნაამბობს, ანუ როგორც ჩვენ ვუწოდებთ - ზღაპრებს.

შაბათს ამ და სხვა საოცარ ამბებს წავიკითხავთ, რომლებიც არაჩვეულებრივმა ქართველმა მწერალმა, რევაზ ინანიშვილმა დაგვიტოვა.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

ბავშვებო, იცნობთ თოვლის გუნდას? ამ ფუმფულა, მხიარულ და ზოგჯერ ცოტა სევდიან პერსონაჟს? იცით, რომ მასაც ძალიან უნდა მეგობრები ჰყავდეს? იპოვა კიდეც და უამრავი საინტერესო ამბავი გადახდა თავს. თქვენც დაუმეგობრდით და მასთან ერთად იმხიარულეთ. ახალი წლიდან კვლავ გელით მწერალთა სახლში წიგნებზე სასაუბროდ და ლიტერატურულ პერსონაჟებთან შესახვედრად. ამჯერად სწორედ თოვლის გუნდას გაგაცნობთ.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია

ნოდარ დუმბაძის გამომცემლობა გიწვევთ ორი საინტერესო თანამედროვე ავტორის - რაიენ ვან უინქლისა და სერგეი ტიმოფეევის პოეტური კრებულების წარდგენაზე, რომლებიც თარგმნა ნენე გიორგაძემ. რაიენ ვან უინქლი - ამერიკელი პოეტი, მთარგმნელი, პოდკასტერი და ლაივ-არტისტი, ცხოვრობს ედინბურგში. მისი ტექსტები შესულია 2010 წლის „თანამედროვე პოეტთა ოქსფორდის ანთოლოგიაში“. მიღებული აქვს არაერთი ლიტერატურული პრემია. ავტორია პოეტური პერფორმანსის: „წითელი, როგორც ჩვენი საძინებელი“, რომელიც „გარდიანმა“ შეაფასა, როგორ „ინტიმური და შთამბეჭდავი“. მისი ტექსტები თარგმნილია ქართულ, ფრანგულ, სერბულ, გერმანულ, არაბულ, უკრაინულ, ბულგარულ, ლატვიურ, რუსულ და თურქულ ენებზე. სერგეი ტიმოფეევი - ტექსტ-ჯგუფ „ორბიტას“ ერთ-ერთი დამფუძნებელი. დაიბადა და ცხოვრობს რიგაში. მუშაობს მულტიმედიურ ექსპერიმენტებსა და პოეტურ ინსტალაციებზე. ერთ-ერთი პირველთაგანი იყო პოსტსაბჭოთა სივრცეში, ვინც პოეტური ვიდეოს ჟანრი დაამუშავა. მიღებული აქვს არაერთი პრიზი პოეზიასა და ვიზუალურ ხელოვნებაში. მისი ტექსტები თარგმნილია ინგლისურ, ჰოლანდიურ, იტალიურ, მაკედონიურ, უკრაინულ, შვედურ, გერმანულ, ქართულ და სლოვენიურ ენებზე. ნენე გიორგაძე - ქართველი პოეტი და მთარგმნელი. ავტორია მოთხრობებისა და პოეტური კრებულების. პუბლიკაციები აშშ-ს, ევროპის და რუსეთის წამყვან ლიტერატურულ ჟურნალებში: Modern Poetry in Translation, POESIA, The Raleigh Review, Skidrow Penthouse, Воздух და სხვა; მისი ტექსტები თარგმნილია ინგლისურ, რუსულ, ჰოლანდიურ, იტალიურ, ლატვიურ, ლიტვურ და ესპანურ ენებზე. თარგმნის თანამედროვე პოეზიას ინგლისური და რუსული ენებიდან.

16 იანვარს, 18:30 საათზე მწერალთა სახლში გაიმართება ლია სტურუას პოეტური კრებულის პრეზენტაცია. წიგნი საიუბილეო გამოცემაა და პოეტის 80 წლის იუბილეს აღსანიშნავად გამოიცა.

ლია სტურუას პოეტური კრებული, რომელიც გამომცემლობა ბაკმმა გამოსცა, ბოლო წლების განმავლობაში შექმნილ ლექსებს აერთიანებს. წიგნის პოეტური ქსოვილი თემატურად და ჟანრობრივად ისეა დალაგებული, რომ ერთ მთლიანობას ქმნის.

წიგნი გამოიცა საქრთველოს მეცნიერების, განათლების, კულტურისა და სპორტის სამინისტროს კულტურის პროგრამის ხელშეწყობის ფარგლებში.

ღონისძიების მოდერატორები: კატო ჯავახიშვილი და გიორგი კეკელიძე.

ჰანს კრისტიან ანდერსენის ეს ზღაპარი პირველად 1844 წლის 21 დეკემბერს დაიბეჭდა და დღეს არა მხოლოდ მისი ერთ-ერთი ყველაზე პოპულარული ზღაპარია, არამედ მსოფლიოს ზღაპრებს შორის გამორჩეული და ბევრისთვის საყვარელი.
ზღაპრის არაერთი ეკრანიზაცია არსებობს, გადაღებულია მულტფილმებიც, არის საოპერო და საბალეტო წარმოდგენები...
ჩვენს მორიგ შეხვედრაზე სწორედ ამ ზღაპარზე ვისაუბრებთ - იქნებ, თოვლის დედოფალმა თოვლი გამოგვიგზავნოს, რომელსაც ასე ველოდებით.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

მწერალთა სახლი იწყებს საუბრების ციკლს „შეხვედრები ლიტერას ლაურეატებთან“.

21 იანვარს გაიმართება პირველი შეხვედრა დებიუტის ნომინაციაში გამარჯვებულებთან - ნიკა ლაშხიასთან და იაგო თვალაბეიშვილთან. შეხვედრის მოდერატორია პოეტი და მთარგმნელი გიორგი ლობჟანიძე.

საქართველოს განათლების, მეცნიერების, კულტურისა და სპორტის სამინისტროსა და მწერალთა სახლის ერთობლივი ლიტერატურული პრემია „ლიტერა“ 2015 წლიდან არსებობს. პრემია გაიცემა ყოველწლიურად ექვს ნომინაციაში.