2014 წლის ნოემბერში საერთაშორისო საზოგადოება აღნიშნავს ბავშვის უფლებათა კონვენციის 25-ე წლისთავს. კონვენციის ერთ-ერთი მნიშვნელოვანი ნაწილი ბავშვთა განათლებაა. მწერალთა სახლი ამ მოვლენას სწორედ ამ დისკუსიით ეხმიანება. მწერალთა სახლში ვიწვევთ მწერლებს და ნებისმიერ მსურველს, ვისაც სურს ჩვენთან ერთად იფიქროს და ისაუბროს დღეისთვის არსებულ განათლების პრობლემებზე, ვისაუბროთ, თუ რა როლი ეკისრება ლიტერატურას, მწერლობას და კონკრეტულ მწერლებს განათლების სექტორსა თუ სასწავლო პროცესში, რა და როგორ შეიძლება გააკეთოს მწერლობამ და ლიტერატურამ ისე, რომ მეტნაკლებად გადაილახოს სწავლების არაკვალიფიციური სტრატეგია და არასათანადო მეთოდები. როგორც კვლევები აჩვენებს: საქართველოში 15 წლის ასაკის მოსწავლეთა ორი მესამედი ანუ 62% ვერ აკმაყოფილებს საერთაშორისო სტანდარტებს წიგნიერებაში, მათემატიკასა და საბუნებისმეტყველო საგნებში. 
ველოდებით ყველას, ვისაც აღელვებს ეს პრობლემა ღია დისკუსიაზე მწერლებთან მწერალთა სახლში.
დისკუსიაში მონაწილეობას მიიღებენ მწერლები ანა კორძაია-სამადაშვილი და დიანა ანფიმიადი.