თემურ ჩხეიძის ლექციით გრძელდება "მწერალთა სახლის" ციკლი "საუბრები ხელოვნებაზე".  ცნობილ რეჟისორს არაერთი პროზაული ნაწარმოები დაუდგამს სცენაზე, მათ შორის მიხეილ ჯავახიშვილის "ჯაყოს ხიზნები", ლეო ქიაჩელის "ჰაკი აძბა",ილია ჭავჭავაძის, ფიოდორ დოსტევსკისა, მიხაილ ბულგაკოვის და სხვათა პროზა.  

გამოფენაზე წარმოდგენილი იქნება მე-20 საუკუნეში საბჭოთა მმართველობის პერიოდში თბილისში მომხდარი 20 მნიშვნელოვანი მოვლენის და პროცესის ამსახველი ფოტოსურათი, ფოტომონტაჟის მეშვეობით დამთვალიერებელს ექნება საშუალება დაინახოს ისტორიული კადრები იმავე ადგილების თანამედროვე პანორამაში. წარმოდგენილი იქნება ისეთი საინტერესო ისტორიული მოვლენები, როგორიცაა სიონის ზარის ჩამოგდება, თბილისის ზღვის საზეიმო გახსნა, ოპერის თეატრის ხანძარი, გალაკტიონის დაკრძალვა და სხვა.
პროექტი განხორციელდა ჰაინრიჰ ბიოლის ფონდის სამხრეთ კავკასიის რეგიონული ბიუროს ფინანსური მხარდაჭერით და მისი მიზანია, წახალისდეს დისკუსია თემაზე როგორ შევინარჩუნოთ მეხსიერება ჩვენი უახლესი ისტორიის შესახებ და გავაცნობიეროთ როგორ და რატომ იცვლება სივრცე, სადაც ესა თუ ის მნიშვნელოვანი ისტორიული მოვლენები ვითარდებოდნენ.

ჰაინრიჰ ბიოლის ფონდი წარმოგიდგენთ საჯარო ლექციების ციკლს ფემინიზმის შესახებ. 

პირველი ლექცია შედგება 29 ოქტომბერს - 19:00 საათზე - მომხსენებელი ფილოსოფოსი თამარ ცხადაძე - "ანტიფემინიზმი: უმეცრება, უპასუხისმგებლობა თუ ბრძოლა პრივილეგიების შენარჩუნებისათვის" 

დასწრება თავისუფალია.
ლექციების სრული განრიგი:

29 ოქტომბერი, ოთხშაბათი - „ანტიფემინიზმი - უმეცრება, უპასუხისმგებლობა თუ ბრძოლა პრივილეგიების შენარჩუნებისთვის?“ (თამარ ცხადაძე)

4 ნოემბერი, სამშაბათი - „ფემინიზმი და ქალთა უფლებები, მოძრაობა ნაპირიდან ცენტრისკენ“ (ლელა გაფრინდაშვილი)

12 ნოემბერი, ოთხშაბათი - „ვის ეშინია საბედისწერო ქალის?“ (თეო ხატიაშვილი) და „გენდერი და სექსუალობა ქართულ კინოში“ (თამთა თათარაშვილი)

19 ნოემბერი, ოთხშაბათი - „ქალისა და კაცის თანასწორობის იდეა მართლმადიდებლურ თეოლოგიაში“ (რუსუდან გოცირიძე და თინა მეგრელიძე)

2 დეკემბერი, სამშაბათი - „თანამედროვე ფემინისტური აქტივიზმი საქართველოში“ (იდა ბახტურიძე)