29 ოქტომბერს, 19.00 მწერალთა სახლი ციკლის „საუბრები ლიტერატურაზე“ ფარგლებში გიწვევთ ფილოსოფისის, ილიაუნის პროფესორის თამარ ცხადაძის საჯარო ლექციაზე „ვირჯინია ვულფი და ფემინიზმი: ანდროგინია, ბრაზი, ქალების მწერლობა“

ვირჯინია ვულფის შემოქმედება მრავალმხრივ არის საინტერესო ფემინისტური თეორიისა და ფემინისტური პოლიტიკისათვის. მისი „მისის დალოუეი“ და „საკუთარი ოთახი“ფემინისტური კანონის ნებისმიერი ვერსიის სრულიად უტყუარი ნაწილია. ამასთან, ვულფის და ფემინიზმის მიმართება ფემინისტ ავტორებშიც არაერთმნიშვნელოვან შეფასებებს აღძრავს. უნდა წერონ ქალებმა? რატომ უნდა წერონ? როგორ უნდა წერონ? უნდა წერონ, როგორც ქალებმა? ეს ის კითხვებია, რომლებზე ვულფის პასუხები შეიძლება სადავო იყოს ფემინისტებს შორის. მაგრამ ამ კითხვების პირველად დასმას უდავოდ მას ვუმადლით. ვულფის ტექსტები ძვირფასი წყაროა თანამედროვე ფემინისიტური თეორიის სხვა ბევრ მნიშვნელოვან საკითხზე ფიქრისთვისაც: როგორ მუშაობს ბედიერების იდეალი? რა მნიშვნელობა აქვს ბრაზს ან გულისწყრომას ფემინიზმისთვის? სად არის საზღვარი ქალს და კაცს შორის?
ლექცია მიეძღვნება ამ და სხვა საკითხებზე მსჯელობას ვირჯინია ვულფის რამდენიმე რომანსა და ესეზე დაყრდნობით.

გრძელდება შაბათის შეხვედრები "ბავშვები მწერალთა სახლში". 7 ნოემბერს ჩვენი სტუმარი იქნება საბავშვო ავტორი ირმა ბერიძე. მოვისმინოთ საბავშვო ლექსები ანდრიაზე და მის მეგობრებზე, მსუნაგ დათუნაზე და მორცხვ ლოკოკინაზე, ურჩ მელიაზე და აფთიაქარ კურდღელზე... ჩვენც წავუკითხოთ სტუმარს ჩვენი საყვარელი ლექსები!

გამოფენა დავით სარაჯიშვილისა და ეკატერინე ფორაქიშვილის მიერ დაფინანსებული სხვადასხვა პროექტების გამოფენა.

10– 13 ნოემბერს მწერალთა სახლი გიწვევთ ცნობილი ქართველი მეცენატის, საზოგადო მოღვაწისა და მეწარმის დავით სარაჯიშვილისადმი მიძღვნილ კვირეულზე.

 მწერალთა სახლი გახსნის დღიდან ყოველწლიურად მართავს ამ დიდი ადამიანის ხსოვნისადმი მიძღვნილ კვირეულს.  შენობა, სადაც მწერალთა სახლია განთავსებული, სწორედ მის მიერაა აგებული 1905 წელს. ჩვენი სურვილია, დავით სარაჯიშვილისა და მისი მეუღლის ეკატერინე ფორაქიშვილის მოღვაწეობა და დამსახურება  ყოველწლიურად სხვადასხვა კუთხით შევახსენოთ ჩვენს საზოგადოებას.

წლევანდელი საიუბილეო კვირეულის მთავარი ფოკუსი  სარაჯიშვილების ოჯახის მიერ განხორციელებული და განუხორციელებელი სამშენებლო პროექტები იქნება, რომლის პრეზენტაციას თბილისის ჰამქარის წევრი, ჯიპას პროფესორი ცირა ელისაშვილი შემოგვთავაზებს 9 ნოემბერს. გამოფენის გამართვა შესაძლებელი გახდა საქართველოს ეროვნული არქივის ისტორიული ფონდის დახმარებით, რისთვისაც მათ დიდ მადლობას ვუხდით.

 დავით სარაჯიშვილის კვირეულის ფარგლებში 10 ნოემბერს, 14:00 საათზე მწერალთა სახლში გაიმართება ხელოვნებათმცოდნის ცირა ელისაშვილის საჯარო ლექცია უფროსკლასელებისთვის "დავით სარაჯიშვილი და მაჩაბლის 13".

10– 13 ნოემბერს მწერალთა სახლი გიწვევთ ცნობილი ქართველი მეცენატის, საზოგადო მოღვაწისა და მეწარმის დავით სარაჯიშვილისადმი მიძღვნილ კვირეულზე.

მწერალთა სახლი გახსნის დღიდან ყოველწლიურად მართავს დავით სარაჯიშვილის  ხსოვნისადმი მიძღვნილ კვირეულს. შენობა, სადაც მწერალთა სახლია განთავსებული, სწორედ მის მიერაა აგებული 1905 წელს. ჩვენი სურვილია, დავით სარაჯიშვილისა და მისი მეუღლის ეკატერინე ფორაქიშვილის მოღვაწეობა და დამსახურება  ყოველწლიურად სხვადასხვა კუთხით შევახსენოთ ჩვენს საზოგადოებას.

 წლევანდელი საიუბილეო კვირეულის მთავარი ფოკუსი  სარაჯიშვილების ოჯახის მიერ განხორციელებული და განუხორციელებელი სამშენებლო პროექტები იქნება, რომლის პრეზენტაციას თბილისის ჰამქარის წევრი, ჯიპას პროფესორი ცირა ელისაშვილი შემოგვთავაზებს 9 ნოემბერს. გამოფენის გამართვა შესაძლებელი გახდა საქართველოს ეროვნული არქივის ისტორიული ფონდის დახმარებით, რისთვისაც მათ დიდ მადლობას ვუხდით.

12 ნოემბერს, 14:00 საათზე  ცირა ელისაშვილი  უფროსკლასელებს დავით სარაჯიშვილის ცხოვრებისა და მოღვაწეობის შესახებ ესაუბრება. ცირა ელისაშვილი ასევე ისაუბრებს იმ შენობის შესახებ, სადაც ეხლა მწერალთა სახლია განთავსებული და რომელსაც  დავით სარაჯიშვილის თანამედროვეები  „ევროპულ სახლს“ უწოდებდნენ.

14 ნოემბერს ყველასათვის საყვარელი შვედი მწერლის, ასტრიდ ლინდგრენის დაბადების დღეზე გეპატიჟებით. ბავშვებს წაუკითხავთ ნაწყვეტებს ასტრიდ ლინდგრენის ლეგენდარული ნაწარმოებებიდან და ვისაუბრებთ მათ საყვარელ პერსონაჟებზე.