გამომცემლობა "ინტელექტმა" "ნობელიანტების" სერიით გამოსცა ორი ბერძენი ნობელიანტი პოეტის, გიორგოს სეფერისისა და ოდისეას ელიტისის პოეტური კრებულები, მთარგმნელები მაია კაკაშვილი და მარიამ წიკლაური. 

17 ნოემბერს, 19.00 მწერალთა სახლი ციკლიდან " საუბრები ლიტერატურაზე" გიწვევთ კალიფორნიის ბერკლის უნივერსიტეტის დოქტორანტის, სლავისტი შოთა პაპავას საჯარო ლექციაზე - ავქსენტი ცაგარელის "ხანუმა": ქალაქი და ნაცია
ავქსენტი ცაგარელმა ‘ხანუმა’ 1882 წელს დაწერა. მას შემდეგ ამ პიესის უამრავი ვარიანტი ნახა მაყურებელმა. ხანუმას ნარატივი პოპულარობით სარგებლობდა ყველანაირ სოციო-პოლიტიკურ გარემოში: მე-19 საუკუნის თბილისში; საქართველოს გასაბჭოებამდე და მის შემდეგ; სტალინიზმის ეპოქაში; დათბობის დროს, და პოსტსაბჭოთა სამყაროშიც. ‘ხანუმა’ გადაიღეს ფილმებად, აქციეს ოპერად, გაიტანეს საქართველოს და საბჭოთა კავშირის ფარგლებს გარეთ, სადაც ის დღემდე პოპულარულია. იქნებ სწორედ ‘ხანუმას’ მრავალი იტერაციის გამო დღევანდელი მაყურებლის წარმოდგენა ამ პიესაზე ხშირად ორიგინალური ტექსტისგან განსხვავებულია. არადა ‘ხანუმას’ ნარატივის გარდაქმნა არასდროს იყო და არც არის შემთხვევითი და თითქმის ყოველთვის იგი ქართული ნაციონალიზმის და იდენტობის ფუნდამენტურ კითხვებს უკავშირდება. ცაგარელის ‘ხანუმაზე,’ და მის ვარიაციებზე საბჭოთა და ქართული ნაციონალიზმის ფონზე, ისაუბრებს შოთა პაპავა.

მწერლათა სახლი და ფოტოგრაფები - გურამ წიბახაშვილი და თინა კიღურაძე წარმოგიდგენთ პროექტს “ერთი სახლი - ორი საუკუნე“. დავით სარაჯიშვილის სახლი, მაჩაბლის N13-ში 1905 წელს დიმიტრი ერმაკოვმა გადაიღო. ალბომში ერმაკოვის ფოტოებთან ერთად წარმოდგენილია ფოტოგრაფების - გურამ წიბახაშვილის და თინა კიღურაძის მიერ გადაღებული ფოტოები, სადაც სახლის დღევანდელობაა ასახული. პრეზენტაციაზე რესტავრატორი ფრიდონ ლობჯანიძე და გურამ წიბახაშვილი ისაუბრებენ პროექტის შესახებ.