მწერალთა სახლში გაიმართება გიორგი ჭეიშვილის ტრილოგიის „1001 ზღაპარი საქართველოზე“ და ძველი თბილისის კვლევითი პორტალის – Madatovi.com.ge-ს პრეზენტაცია.

ქალაქის დაკარგული მეხსიერების კუნძულების ძებნა ყველგან შეიძლება: წიგნებში, ფოტოებში, ნახატებში, კინოფილმებში, სადარბაზოებსა თუ ბებია-ბაბუის მოთხრობილ ისტორიებში, თუმცა მრავალეთნიკურ, ჭრელ, ერთდროულად - ევროპულ და აზიურ ქალაქში მომხდარ ამბებს, ყველაზე უკეთ, ტფილისში მცხოვრებ რიგით ადამიანებს თავსგადამხდარი უჩვეულო ისტორიები ინახავს.

თუ გიყვარს ლიტერატურა, თავსატეხები და არ იცი, რას აკეთებ 26 ნოემბრის საღამოს, მაშინ ნუ შეწყვეტ ამ ტექსტის კითხვას - კარგი შემოთავაზება გვაქვს:

ნოემბრის მიწურულს, მწერალთა სახლში, სადაც კედლები ერთმანეთს კუთხეებში ხვდებიან, სხვადასხვა თავსატეხი დაიდებს ბინას. მათ ამოსახსნელად კი ჰოლმსისეული ალღო და ლიტერატურის კეჟერაძისეული სიყვარული დაგჭირდებათ. თამაში ევროკავშირის ლიტერატურული პრემიის ფარგლებში გაიმართება და მასში მონაწილეობა შესაძლებელი იქნება, როგორც ინდივიდუალურად, ისე - ჯგუფურად. პირველი ადამიანი თუ გუნდი, რომელიც ყველა გამოცანას წარმატებით გაართმევს თავს და განძის სკივრს გახსნის.

მათთვის, ვისაც დააგვიანდება და შუა გზაში იტყვის - „რაღა აზრი აქვსო“ - კარგი ამბავი გვაქვს: თამაშის დაწყებამდე მცირე ხნით ვისაუბრებთ რომანზე „ამ რომანში ყველა კვდება“.

აქვე აღვნიშნავთ, რომ ამ რომანისთვის მწერალი ბექა ადამაშვილი ევროპის ლიტერატურული პრიზით დაჯილდოვდა. 

იცნობთ ლიონებერგელ ემილის? ცისფერთვალა, პირმრგვალ, ლოყებდაბერილ, ოქროსქოჩრიან პატარა ცელქ ბიჭუნას, საზრიანსა და ცნობისმოყვარეს, გამუდმებით ფათერაკებში რომ ეხვევა?
ჩვენს მომდევნო შეხვედრაზე სწორედ ემილის გავიცნობთ - ცნობილი შვედი მწერლის, ასტრიდ ლინდგრენის ამ ლიტერატურულ პერსონაჟს.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.