1 ნოემბერს, 18:30 საათზე გიწვევთ მწერალთა სახლში David Chkhenkeli-ს სადებიუტო წიგნის წარდგენაზე!

დავით ჩხენკელის წიგნს – „THE ORIGIN – სამყაროს შოკისმომგვრელი პირველსაწყისი და კაცობრიობა ადამიანის წარმოშობის დილემის პირისპირ“ – წარადგენს ლევან ბერძენიშვილი.

„პოსტმოდერნიზმის ეპოქაში გონების ვექტორი მიმართულია სოციალური ყოფის ლაბირინთებისკენ. მას მხოლოდ შესასვლელი აქვს, გამოსასვლელი კი – არა. დაკვირვებული მკითხველი იკითხავს , თუკი შესასვლელი აქვს, გამოსვლის დროს იმავე შესასვლელით ხომ შეიძლება სარგებლობაო? აქ უნდა აღინიშნოს კიდევ ერთი პარადოქსული მოვლენა, რომ შესვლის დროს აუცილებელი პირობაა, დაგავიწყდეს საიდან შეხვედი, რომ შესასვლელი გამოსასვლელად ვეღარ გამოიყენო. ეს ხან შემთხვევით ხდება, ხან შეგნებულად, ხან გვგონია რომ შემთხვევით, სინამდვილეში კი გარე ფაქტორების ზემოქმედების შედეგად და სხვ.“

დასწრება თავისუფალია!

ინგლისელი მწერალი, პოეტი, ლიტერატურის დარგში ნობელის პრემიის პირველი ინგლისელი ლაურეატი რადიარდ კიპლინგი კარგად არის ცნობილი ქართველი მკითხველისთვის. განსაკუთრებით პოპულარული კი მისი „ჯუნგლების წიგნია“, რომელიც მრავალ ენაზეა თარგმნილი და მის შემოქმედებაში ერთ-ერთ საუკეთესოდ არის მიჩნეული.

ჩვენს მორიგ შეხვედრაზე სწორედ ამ ავტორზე ვისაუბრებთ, ოღონდ მისი სხვა წიგნიდან წავიკითხავთ ნაწყვეტებს. „უბრალო ზღაპრები“ - ასე ეწოდება წიგნს, რომლის მასალებიც მან აფრიკაში ყოფნისას მოაგროვა და რომელიც 1902 წელს გამოიცა.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

ხუთშაბათს, 7 ნოემბერს, მწერალთა სახლში გაიმართება ბესო ხვედელიძის ახალი წიგნის - "განჯადოება" - პრეზენტაცია.

პრეზენტაციის მოდერატორი ია ვეკუა იქნება.


► წიგნის შესახებ ინფორმაციის მოძიება და შეძენა შეგიძლიათ ჩვენს ვებგვერდზე: https://bit.ly/2JDwAW2

ჟურნალ ინდიგოს #41 ნომრის პრეზენტაცია, 1989/1992 წლები. სამხრეთ ოსეთი.

ოცდაათი წლის წინანდელი ამბები, რომელთაც ადამიანები იხსენებენ, ჟურნალში სამ პარალელურ თხრობას კრავს და ერთი ისტორიული ეპიზოდის აღდგენას ცდილობს. ზეპირ ისტორიებსა და საუბრებში იმ ამბებს იხსენებენ, რაც მოხდა სახლებში, ეზოებში, ქუჩებში და დროს ახლაც ყრუ ექოდ მოჰყვება.
ძველ პრესაში განწყობები, დისკურსები, იდეები ირეკლება. თხრობის მესამე ხაზი მხოლოდ იგულისხმება – ის სიტყვებისა და გამოსახულების მიღმა რჩება და მოიცავს ამბებს, რომლებსაც არ ჰყვებიან.

გამოცემის პრეზენტაცია ასევე, სამი და ისევ პარალელური დიალოგის ფონზე ჩაივლის.

▪ ისტორია თუ მეხსიერებით მანიპულაცია? - დავით ჯიშკარიანი, ისტორიკოსი და ზურაბ ბენდიაშვილი, კოალიციის „დევნილთა უფლებებისათვის“ თავმჯდომარე
▪ ძალაუფლების ენა - გიორგი მაისურაძე, ფილოსოფოსი და ხათუნა მაისაშვილი, ჟურნალისტი
▪ ამბები ოსური სოფლებიდან - თამარ ბესტაევა
▪ დიალოგებს მოდერაციას უწევენ: თომა სუხაშვილი, ნინო ბეკიშვილი, ნინო ლომაძე. 

1 ნოემბერი ბესიკ ხარანაულის დაბადების დღეა. გამომცემლობა „ინტელექტი“ და საქართველოს მწერალთა სახლი გიწვევთ ბესიკ ხარანაულთან შესახვედრად.

„მე სამკალში დავიბადე და ვიდრე დედაჩემი ბუერის ფოთლებში შემგორგლავდა, ზურგზე ყანის ნაწვერლები ამებეჭდა. შემდეგში დედაჩემი საგულდაგულოდ მალავდა ხალხის თვალისგან ამ ნიშანს, მაგრამ ერთმა კუდიანმა დედაკაცმა მაინც შენიშნა: დედაჩემმა გარეთა პერანგი რომ წამაძრო, შიგნითაც წამოჰყვა და გამომკრთალმა შუქმა სარკის ანარეკლივით დაიარა გომურის უჩინი კედლები და დედაკაცს მოჭრა თვალი. ამის შემდეგ გავრცელდა ხმა, რომ „ნაწილიანი“ ვიყავი.“

მწერალთა სახლში გაიმართება -"სატრფიალო ლირიკის საღამო".თითო გამომსვლელს საშუალება ექნება წაიკითხოს ორი სამსტროფიანი ლექსი ან სონეტი. ფოიეში გამოფენილი იქნება 10 სხვადასხვა თაობის მხატვართა შემოქმედება.

მონაწილეობენ -ბელა ალანია, ქეთი შენგელია, დაკო თუშაბრამიშვილი, მაია ხოფერია,ეკა კვიციანი, ნინო უძილაური, მაია კახიძე,ფიქრია ბროლაშვილი,მარი კოლხი, თეა ნოზაძე, ირმა შუშანაშვილი,ნინო ახალაშვილი, ნინო ალადაშვილი, დიანა ლომიძე,ხათუნა კვესელავა,ნანი გულბანი,ლიკა მელანაშვილი,სოფიკო ქურასბედიანი,ეკატერინე ციცქიშვილი,ნინო ჭიქაშუა,მარიკა ხიხაძე,მარიამ ბაქანიძე, თემურ ცერცვაძე, საშა გველესიანი, ედუარდ უგულავა, გაგა გომართელი, ჯუბა ღებელი, თამაზ ჩადუნელი,გიორგი მინჯია,ნიკა კობერიძე, გიო ჩერქეზია,ქემო ქავთარი,პაპუნა ქვარიანი,აჩიკო ალექსიშვილი.
მხატვრები - თეა ნოზაძე,ფიქრია ბროლაშვილი,მარი კოლხი,სოფო თათარაშვილი,ეკა ქარჩავა, ალექსი თეთრაძე,თედო სახოკია, დავით შუშანაშვილი,ნინო ვეზდენი,მაია ქინქლაძე, ანა იაკობაშვილი.

ფრანკფურტის უნივერსიტეტის პროფესორი, მანანა თანდაშვილი, ატარებს სამეცნიერო ვორქშოფს 'თარგმანის სტრატეგიები შოთა რუსთაველის პოემის მაგალითზე'. 

სემინარზე წარმოდგენილი იქნება პოემაში გამოყენებული მხატვრული ხერხებისა და ინფორმაციული სტრუქტურის შედარებითი ანალიზი გერმანულ და ინგლისურ თარგმანებთან მიმართებაში, ერთი თავის მაგალითზე. 

სემინარი განკუთვნილია ჰუმანიტარული ფაკულტეტის სტუდენტებისა და თარგმანის საკითხებით დაინტერესებული პრებისათვის.