24 ოქტომბერს, 18:30 საათზე მწერალთა სახლში გაიმართება პოეტ გივი ალხაზიშვილის ახალი პოეტური კრებულის „მონატრებული შინ“ (გამომცემლობა საუნჯე) წარდგენა. კრებულში თავმოყრილია სრულიად ახალი ლექსები, რომელთაგანაც უმეტესობა პირველად იბეჭდება. ამ გამოცემას წინ უძღოდა პოეტის ერთ-ერთი ბოლო კრებული „თანმდევი სუნთქვა“, რომელშიც 21 საუკუნის დასაწყისის ლექსებია შესული (გამომცმლობა კალმოსანი) და რომლის წარდგენაც რამდენი თვის წინ ასევე მწერალთა სახლში გაიმართა.

ახალი კრებული სულ 70 ლექსს აერთიანებს. პოეტური კრებულის წარდგენას გაუძღვება ლიტერატორი ლექსო დორეული. პოეტის ახალ ლექსებს მსახიობი გიორგი კაჭახიძე წაიკითხავს.
საღამოზე ასევე შესაძლებელი იქნება წიგნის შეძენა.

შეხვედრა ოთხმოცდაათიანი წლების ლიტერატურული მიმდინარეობის "კაციჭამია ავტორების თაობის" ერთ-ერთ უმნიშვნელოვანეს წარმომადგენელთან, მწერალთან, პოეტსა და კრიტიკოსთან ალდო ნოვესთან.
ღონისძიება ტარდება იტალიური ენის მეცხრამეტე მსოფლიო კვირეულის ფარგლებში.
შეხვედრა წარიმართება იტალიურად, ქართულ ენაზე თარგმანით.
მოდერატორი: ხათუნა ცხადაძე
დასწრება თავისუფალია.

„ის იყო კარგად მოსული, ჩასხმული, მაღალი, მხარბეჭიანი და ლამაზი ვაჟკაცი, ომახიანი და მჭექარე ხმით. მაგრამ ამ ახოვანებას, მის რიხიანობას, როგორღაც არ ეხამებოდა სევდით მომზირალი სახე, ოდნავ ფერმკრთალი იერით და კეთილშობილური გამომეტყველებით..." - ასე იხსენებდნენ ნაცნობები იაკობ გოგებაშვილს - დიდ იაკობს, ქართველ საბავშვო მწერალს და პედაგოგს, საზოგადო მოღვაწეს, რომელმაც ქართელ ერს "დედა ენა" დაუწერა.

ჩვენი მორიგი შეხვედრა დიდ იაკობს ეძღვნება. ვისაუბრებთ მის ბიოგრაფიაზე, წავიკითხავთ მის საბავშვო მოთხრობებს.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.