მწერალთა სახლი გილოცავთ ახალი სასწავლო წლის დაწყებას და კვლავ გიწვევთ ჩვენს შაბათის შეხვედრებზე „ბავშვები მწერალთა სახლში“.
პირველი შეხვედრის თემა, რომელიც 21 სექტემბერს გაიმართება, ზაფხულში წაკითხული წიგნებია. ვისაუბროთ იმ წიგნებზე, რომლებიც თქვენ წაიკითხეთ, რა მოგეწონათ, რომელს ურჩევდით თქვენს თანატოლებს.
ვისაუბრებთ ასევე ჩვენი მომავალი შეხვედრების გეგმებზე, თქვენს სურვილებზე.
მწერალთა სახლი კვლავ გელით!

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

ორგანიზაცია „გადავარჩინოთ ევროპის მემკვიდრეობა“ მოხარულია მოგიწვიოთ უახლესი გამოცემის პრეზენტაციაზე: "თბილისი  ისტორიული ქალაქის შენარჩუნება". 

ეს ანგარიში წარმოადგენს ბრიტანეთის კონსერვაციის საქველმოქმედო ფონდის, ორგანიზაცია „გადავარჩინოთ ევროპის მემკვიდრეობის“, „თბილისის მემკვიდრეობის ჯგუფისა“ და ქართული არქიტექტურის წამყვანი ისტორიკოსებისა და აქტივისტების ერთობლივი ძალისხმევის შედეგს. ეს ანგარიში ნათელს ფენს შეუდარებელ არქიტექტურულ სილამაზეს ეგრეთ წოდებული „კავკაზიის პარიზისა“ და მას მსოფლიო საზოგადოებისათვის გასაცნობად წარადგენს. თუმცა, აღნიშნული ნაშრომი ასევე ხაზს უსვამს იმ საშიშროებებს, რომელთა წინაშეც დღესდღეობით დგას ქალაქის არქიტექტურული მემკვიდრეობა: შემდგომი ხუთი წელი სასიცოცხლოდ მნიშვნელოვანია თბილისის გადარჩენისათვის - ამჟამინდელმა მშენებლობის ბუმმა გამოიწვია ახალი არქტიტექტურული ნაგებობების სიჭარბე და ბევრი ისტორიული შენობის თვითნებური ხელყოფა. ახალმა დროებამ ახალი საფრთხეები მოიტანა. ქალაქის კონსერვაციის მზარდი მოძრაობა ცდილობს ამ პრობლემებთან გამკლავებას. ეს ანგარიში ასევე წარმოაჩენს და ხაზს უსვამს ამ მოძრაობის შრომას.

ანგარიშს პრეზენტაციაზე წარადგენს ორგანიზაცია „გადავარჩინოთ ევროპის მემკვირეობის“ დირექტორი და ანგარიშის თანაავტორი ჰენტრიეტა ბილინგსი, ფოტოგრაფი რიჩარდ დევისი, „თბილისის მემკვიდრეობის ჯგუფის“ დამაარსებელი წევრი პიტერ ნესმიტი და ორგანიზაცია „გადავარჩინოთ ევროპის მემკვიდრეობის“ უფლებამოსილი პირი კლემენტინ სესილი, ასევე არქიტექტურის ისტორიკოსები და ანგარიშის თანაშემდგენელები მაია მანია, ნესტან თათარაშვილი, ნანო ზაზანაშვილი და ჟურნალისტი და ანგარიშის თანაშემდგენელი უილიამ დანბარი.

დიდი ხანი არ არის, რაც ქართულ საბავშვო პერიოდიკას ახალი გამოცემა შეემატა. „შოკოლიტი“ - ასე ეწოდება ჟურნალს, რომელსაც საქართველოს განათლების, მეცნიერების, კულტურისა და სპორტის სამინისტროს და მწერალთა სახლის მხარდაჭერით გამოსცემს საბავშვო ლიტერატურის განვითარების ფონდი „ლიბო“. როგორც სათაურის ქვეშ წარწერა გვამცნობს, აქ არის „ყველაზე გემრიელი ლიტერატურა ბავშვებისათვის“. სახელწოდებაც ხომ ორი სიტყვისგან შედგება - შოკოლადი და ლიტერატურა - შოკოლიტი.
ჩვენს მორიგ შეხვედრაზე სწორედ „შოკოლიტის“ შესახებ ვისაუბრებთ. ჩვენი სტუმარი იქნება ჟურნალის მთავარი რედაქტორი, ან როგორც ჟურნალში წერია - მთავარი შოკოლიტელი, ბევრისთვის კარგად ცნობილი და საყვარელი საბავშვო მწერალი ირმა მალაციძე.
გელოდებით, ყველაზე გემრილი ჟურნალის დასაგემოვნებლად.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია.

7 ოქტომბერს, 19:00 საათზე, მწერალთა სახლში გაიმართება სოსო მეშველიანის ახალი წიგნის – „ალპური ყვავილები“ წარდგენა.