18 დეკემბერს, 18.00 მწერალთა სახლი გიწვევთ რეზო თაბუკაშვილის 90 წლის იუბილესთან დაკავშირებული გამოფენის გახსნაზე. გამოფენაზე წარმოდგენილი იქნება რარიტეტული წიგნები და ვიტორიო სელას ფოტოები რეზო თაბუკაშვილის პირადი არქივიდან.
რეზო თაბუკაშვილი ავტორია რამდენიმე ფილმის სცენარის, მცირერიცხოვანი ლექსების და თორმეტი დოკუმენტური ფილმის, რომლებიც მის მეცნიერულ-კულტურულ კვლევებს ასახავს, პიესების: „რაიკომის მდივანი“ და „რას იტყვის ხალხი?!“ 
მისი უშუალო მონაწილეობითა და ინიციატივით საქართველოს დაუბრუნდა საგანძურის უნიკალური ნივთები, იტალიელი ალპინისტისა და ფოტოგრაფის ვიტორიო სელას ფოტოარქივი, ფოტოფირები და უძველესი ხელნაწერები, ერეკლე II-ის წერილები ვენეციის გამგებლისადმი, თამარ და აკაკი პაპავების არქივი, სულხან-საბა ორბელიანის სამაჯური, ვანო ქიქოძის იარაღების უნიკალური კოლექცია, ქეთევან დედოფლის მოქსოვილი ფარდაგი, ასევე ნიკო ბურის რარიტეტები. 
რეზო თაბუკაშვილის დამსახურებაა კუნძულ ტექსელზე, ქართული ბატალიონის ამბოხების კვლევა და ამბოხებულების ზნეობრივი და იურიდიული რეაბილიტაცია; მეორე მსოფლიო ომის დროს დაღუპული და უგზო-უკვლოდ დაკარგული ოთხმოცზე მეტი ჯარისკაცის საფლავის მოძიება.მან აღმოუჩინა და დაუბრუნა ქართველ ხალხს მიხეილ თამარაშვილის, მიხეილ თარხნიშვილის, გრიგოლ ფერაძის, პეტრე ხარისჭირაშვილის, და თამარ და აკაკი პაპავების, ვიტორია სელას და სხვათა სახელები.
განუზომელია რეზო თაბუკაშვილის ღვაწლი, როგორც მწერლის, რეჟისორისა და მეცნიერ-მკვლევრის, საქართველოს ისტორიის სრულიად ახლებური გაგებისათვის.

'საქართველო 1990'იან წლებში - რჩევები გადარჩენისთვის' სხვადასხვა ხელოვანის, ავტორის და ინდივიდის პირადი გამოცდილებისაგან შემდგარი გამოცემაა, რომელიც ამ გამოცდილების გაზიარებისათვის შეიქმნა. როგორ გადავურჩეთ იმას, რასაც ვერ გადარჩები და როგორ გამოხატოთ ის , რისი გამოხატვაც შეუძლებელია? 

დიდი ხნის მანძილის მუაშობის შემდეგ, თითქოს ამ ნომრის შეკვრა შეუძლებელია და ის დაუსრულებლად განახლებადი უნდა იყოს. ამისთვის ყოველთვის ღიად დავტოვებთ ამ ნომრის ონლაინ ვერსიას. 

არ დაგავიწყდეთ ასლის აღება - პრეზენტაციაზე გაზეთი უფასოდ დარიგდება. შეზღუდული რაოდენობის ტირაჟი შემდეგ ქუთაისსა და ბათუმში გავრცელდება და ასევე რამდენიმე ინტერნაციონალური ინსტიტუციის წიგნის მაღაზიაში.

დიდი მადლობა ციურიხის კუნსტჰალეს ამ პროექტის მხარდაჭერისათვის.