30 ნოემბერს 17:00 მწერალთა სახლში საზოგადოებრივი პროექტი „სამი სავარძელი ხელოვანთათვის“ აწყობს ნიკოლოზ ბარათაშვილის დაბადებიდან 200 წლისთავისადმი მიძღვნილ საღამოს. მონაწილეობენ მხატვრობის, მწერლობის და მუსუკის სფეროს წარმომადგენლები.  მუსიკალურ და ლიტერატურულ ფორმატს ახლავს მხატვრების გამოფენა.

გოეთეს ინსტიტუტი, თბილისის წიგნის ფესტივალი და საქართველოს ეროვნული წიგნის ცენტრი 2017/18 ქართულ-გერმანული მეგობრობის წლის ფარგლებში ერთობლივად ჩაატარებენ ქართველი და გერმანელი ავტორების შეხვედრებს, რეზიდენციებსა და პრეზენტაციებს.

2018 წლის ფრანკფურტის წიგნის ბაზრობაზე წარმოდგენილი იქნება წიგნი "Georgische Begegnungen - Literarisches Reisebuch" გერმანულ ენაზე, რომელიც შეიქმნა 6 ქართველი და 6 გერმანელი მწერლის საქართველოში მოგზაურობის შედეგად. 6 დეკემბერს გაიმართება შეხვედრა პროექტში მონაწილე ქართველ მწერლებთან (ანა კორძაია-სამადაშვილი, არჩილ ქიქოძე, ნესტან ნენე კვინიკაძე, აბო იაშაღაშვილი, ირმა ტაველიძე, თამთა მელაშვილი) და ასევე გაიმართება ამ წიგნის ქართულენოვანი გამოცემის პრეზენტაცია.