გერონტი ქიქოძე ლიტერატურული მოღვაწეობის გარდა აქტიურად მონაწილეობდა საქართველოში მოქმედი პოლიტიკური ძალების საქმიანობაში. სხვადასხვა დროს იგი თანამშრომლობდა მარქისტებთან, სოციალისტ-ფედერალისტებთან და ეროვნულ-დემოკრატებთან. მის პოლიტიკურ გზაზე დაკვირვება საშუალებას გვაძლევს გავაანალიზოთ XIX-XX საუკუნეების ქართულ საზოგადოებაში აქტიური იდეოლოგიური დინებები და მათი ღირებულებები. გაზეთ "საქართველოს" რედაქტორობისა და დამფუძნებელი კრების ხელოვნების კომისიის თავმჯდომარეობის დროს გამოქვეყნებული მისი წერილები დამატებით წარმოდგენას გვიქმნის ქართული პარლამენტარიზმის პირველი გამოცდილების შესახებ.

მწერალთა სახლში გერონტი ქიქოძის პოლიტიკური მოღვაწეობის შესახებ პოლიტილოგი ლევან ლორთქიფანიძე ისაუბრებს.

23 დეკემბერს, 15:00 საათზე, მწერალთა სახლში, ცენტრის საგამოფენო-საგანმანათლებლო პროექტის "ხელნაწერთა ეროვნული ცენტრის არქივებიდან" ფარგლებში, თამაზ ჯოლოგუა ( ფილოლოგი, ივანე ჯავახიშვილის სახელობის თბილისის სახელმწიფო უნივერსიტეტის პროფესორი ) გამართავს საჯარო ლექციას "ეროვნული ხსნის კონცეფცია 1850- იანი წლები"

დამსწრე საზოგადოებას საშუალება ექნება ასევე იხილოს გამოფენა, სადაც წარმოდგენილი იქნება დიმიტრი ყიფიანის, აკაკი წერეთლისა და ვაჟა-ფშაველას საარქივო მასალებიდან პირადი მიმოწერები, ლიტერატურული ნაშრომების ავტოგრაფები, შავი სამუშაო ჩანაწერები და სხვ.