ცნობილი პოეტის, მთარგმნელის, პუბლიცისტისა და ფოლკლორისტის ვახუშტი კოტეტიშვილის 80 წლის იუბილესთან დაკავშირებით მწერალთა სახლი 17-18 დეკემბერს ვახუშტი კოტეტიშვილის დღეებს მასპინძლობს.
17 დეკემბერს, 18.00 საიუბილეო დღეების ფარგლებში გაიმართება ვახუშტი კოტეტიშვილის შემოქმედებითი საღამო და სონეტების კრებულის პრეზენტაცია. ვახუშტი კოტეტიშვილს საზოგადოება უკვე კარგად იცნობს როგორც მთარგმნელს, პუბლიცისტსა და ფოლკლორისტს. ამჯერად საზოგადოება ვახუშტის ცხოვრების ბოლო წლების შემოქმედებასაც გაეცნობა მისი სონეტების სრული კრებულის სახით. ამ სახით სონეტების კრებული პირველად გამოიცა მწერალთა სახლის ინიციატივითა და კულტურისა და ძეგლთა დაცვის სამინისტროს ფინანსური მხარდაჭერით.
18 დეკემბერს, 13.30 საზეიმოდ დაჯილოვდებიან მოსწავლეთა კონკურსის „ ვახუშტი კოტეტიშვილი - ჩემი წუთისოფელი“ გამარჯვებულები. გამარჯვებულების დაჯილდოების შემდეგ პოეტი, მთარგმნელი და აღმოსავლეთმცოდნე გიორგი ლობჟანიძე უფროსკლასელებს უამბობს ვახუშტი კოტეტიშვლის ცხოვრებისა და მოღვაწეობის შესახებ.

ვახუშტი კოტეტიშვილის საიუბილეო დღეებისადმი მიძღვნილი პროექტის განხორციელება შესაძლებელი გახდა საქართველოს კულტურისა და ძეგლთა დაცვის სამინისტროს ფინანსური მხარადაჭერით.

კონკურსის თანამშრომლობისა და საინფორმაციო მხარდაჭერისთვის მადლობას ვუხდით საქართველოს განათლებისა და მეცნიერების სამინისტროს.

18 დეკემბერს, 13.30 საზეიმოდ დაჯილოვდებიან მოსწავლეთა კონკურსის „ ვახუშტი კოტეტიშვილი - ჩემი წუთისოფელი“ გამარჯვებულები. გამარჯვებულების დაჯილდოების შემდეგ პოეტი, მთარგმნელი და აღმოსავლეთმცოდნე გიორგი ლობჟანიძე უფროსკლასელებს უამბობს ვახუშტი კოტეტიშვლის ცხოვრებისა და მოღვაწეობის შესახებ.

ცნობილი პოეტის, მთარგმნელის, პუბლიცისტისა და ფოლკლორისტის ვახუშტი კოტეტიშვილის 80 წლის იუბილესთან დაკავშირებით მწერალთა სახლი 17-18 დეკემბერს ვახუშტი კოტეტიშვილის დღეებს მასპინძლობს.

17 დეკემბერს, 18.00 საიუბილეო დღეების ფარგლებში გაიმართება ვახუშტი კოტეტიშვილის შემოქმედებითი საღამო და სონეტების კრებულის პრეზენტაცია. ვახუშტი კოტეტიშვილს საზოგადოება უკვე კარგად იცნობს როგორც მთარგმნელს, პუბლიცისტსა და ფოლკლორისტს. ამჯერად საზოგადოება ვახუშტის ცხოვრების ბოლო წლების შემოქმედებასაც გაეცნობა მისი სონეტების სრული კრებულის სახით. ამ სახით სონეტების კრებული პირველად გამოიცა მწერალთა სახლის ინიციატივითა და კულტურისა და ძეგლთა დაცვის სამინისტროს ფინანსური მხარდაჭერით.

ვახუშტი კოტეტიშვილის საიუბილეო დღეებისადმი მიძღვნილი პროექტის განხორციელება შესაძლებელი გახდა საქართველოს კულტურისა და ძეგლთა დაცვის სამინისტროს ფინანსური მხარადაჭერით.

კონკურსის თანამშრომლობისა და საინფორმაციო მხარდაჭერისთვის მადლობას ვუხდით საქართველოს განათლებისა და მეცნიერების სამინისტროს.

21 დეკემბერს, 19:00 საათზე, კორნელი კეკელიძის სახ. ხელნაწერთა ეროვნული ცენტრი გეპატიჟებათ მწერალთა სახლში სამი ქართველი მოღვაწის დიმიტრი ყიფიანის, აკაკი წერეთლისა და ვაჟა-ფშაველას საარქივო მასალის გამოფენაზე „ხელნაწერთა ეროვნული ცენტრის არქივებიდან“. 

გამოფენის სპონსორები არიან მეღვინეობა ხარება და ტრადიციული ქართული ტკბილეულის კომპანია ბადაგი. 

ამ სამი დიდი პიროვნების ღვაწლი ქართული აზროვნების, ლიტერატურისა თუ ისტორიის განვითარებაში უდიდესია. 2015 წელს კი 200 წელი გავიდა დიმიტრი ყიფიანის გარდაცვალებიდან, 100 წელი აკაკი წერეთლის გარდაცვალებიდან (იუნესკომ 2015 წელი აკაკის საიუბილეო წლად გამოაცხადა) და ასევე, 100 წელი შესრულდა ვაჟა-ფშაველას გარდაცვალებიდან. ვინაიდან ხელნაწერთა ეროვნულ ცენტრში ინახება მათი პირადი არქივები, ცენტრმა ამ თარიღების აღსანიშნავად მოამზადა სამი საგამოფენო-საგანმანათლებლო პროექტი: „დიმიტრი ყიფიანი - მადლის მქმნელი“, „ვაჟა-ფშაველა“ და „აკაკი წერეთელი - ბედნიერი ნიჭის შემოქმედი“. სწორედ ამ სამი პროექტის შემაჯამებელ ღონისძიებას წარმოადგენს გამოფენა „ხელნაწერთა ეროვნული ცენტრის არქივებიდან“. 

გამოფენაზე წარმოდგენილი იქნება სამი დიდი მოღვაწის პირადი წერილები, მეგობრული თუ სამუშაო მიმოწერა, სასიყვარულო ბარათები, ცნობილი შედევრების შავი ვერსიები, ფოტოები, უბის წიგნაკები და ანგარიშები... 

პირადი არქივებიდან კარგად ჩანს, როგორ იქმნებოდა ცნობილი შედევრები, რა გზა გაიარა შემოქმედებითმა პროცესმა, რამდენი ვერსია გადახაზა ავტორმა, სანამ ნაწარმოები წიგნის ფურცლებზე აისახებოდა და საზოგადოების კუთვნილება გახდებოდა; ავტორების ახლობლებისადმი დამოკიდებულება, როგორი მშობელი, მეუღლე, კოლეგა თუ მეგობარი იყო და მათი ცხოვრების სრულიად უცნობი დეტალები: საყვარელი საჭმელი, მაღაზიის დანახარჯების ჩანაწერები, გემოვნება, თვითშეფასება, არასაზოგადოებრივი საქმიანობა და წერის მანერა პირად მიმოწერაში.

ექსპოზიციის მიზანია, დიმიტრი ყიფიანის, აკაკი წერეთლისა და ვაჟა-ფშაველას შესახებ საზოგადოებას გააცნოს ის, რაც დიდხანს დარჩება ცნობიერებაში და საფიქრალს დაუტოვებს, სხვა მხრიდან დაანახვებს ამ ერთგვარად დისტანცირებულ, იდეალურ საზოგადო მოღვაწეებს.

პროექტი აგრეთვე მოიცავს საჯარო სალექციო კურსს

1) 22 დეკემბერი 15:00სთ. ლევან თაქთაქიშვილის საჯარო ლექცია - "წერა-კითხვის გამავრცელებელი საზოგადოება"

2) 22 დეკემბერი 15:30სთ. რამაზ შენგელიას საჯარო ლექცია - "აკაკი და მედიცინა"

3) 23 დეკემბერი 15:00სთ. თამაზ ჯოლოგუას საჯარო ლექცია - "ეროვნული ხსნის გმირი 1850-იანი წლები" 

გამოფენის "ხელნაწერთა ეროვნული ცენტრის არქივებიდან" ფარგლებში გაიმართება ლევან თაქთაქიშვილის საჯარო ლექცია - "წერა-კითხვის გამავრცელებელი საზოგადოება".

დამსწრე საზოგადოებას საშუალება ექნება ასევე იხილოს გამოფენა, სადაც წარმოდგენილი იქნება დიმიტრი ყიფიანის, აკაკი წერეთლისა და ვაჟა-ფშაველას საარქივო მასალებიდან პირადი მიმოწერები, ლიტერატურული ნაშრომების ავტოგრაფები, შავი სამუშაო ჩანაწერები და სხვ.

ცენტრის საგამოფენო-საგანმანათლებლო პროექტის "ხელნაწერთა ეროვნული ცენტრის არქივებიდან" ფარგლებში, რამაზ შენგელია (თბილისის სახელმწიფო სამედიცინო უნივერსიტეტის პროფესორი, მედიცინის მეცნიერებათა დოქტორი) გამართავს საჯარო ლეცქიას "აკაკი და მედიცინა", რომელშიც საუბარი იქნება თუ როგორი დამოკიდებულება ჰქონდათ აკაკის ოჯახის წევრებს ხალხურ მედიცინასთან და ვინ იყო აკაკის მკურნალი ექიმი, რა ხალხური წამლების რეცეპტები ჰქონდა შენახული აკაკის და როგორ აისახა მის შემოქმედებაში მედიცინის საკითხები.

აკაკის ოჯახში ხალხური მედიცინა აქტუალური გახლდათ, დედა _ ეკატერინე და და _ ანა წამლებს ამზადებდნენ და უანგაროდ ეხმარებოდნენ საჩხერელებს.
ხალხური მედიცინის რეცეპტებს აკაკი წერეთელიც დიდი ინტერესით ეკიდებოდა. აღსანიშნავია, რომ აკაკის არქივში ინახება ერთი ხელნაწერი სამკურნალო რეცეპტი: ე.წ. "კუზმიჩის ბალახი”, _ წერს მიხეილ შენგელია თავის წერილში. თუმცა აკაკის კარგად ესმოდა, რომ ექიმის დახმარებას ალტერნატივა არ გააჩნდა. ამიტომაც იყო, თავგამოდებით იბრძოდა საჩხერეში საავადმყოფოს გახსნისთვის.

საქართველოს უსაყვარლესი მგოსანი აკაკი დიდ პატივს მიაგებდა მედიკოსებს. ცნობილი ექიმი სამსონ თოფურია მისი მკურნალი გახლდათ. მოხსენებაში ვრცლად იქნება საუბარი, თუ რა ურთიერთობა ჰქონდათ ექიმსა და პაციენტს ერთმანეთთან.

დამსწრე საზოგადოებას საშუალება ექნება ასევე იხილოს გამოფენა, სადაც წარმოდგენილი იქნება დიმიტრი ყიფიანის, აკაკი წერეთლისა და ვაჟა-ფშაველას საარქივო მასალებიდან პირადი მიმოწერები, ლიტერატურული ნაშრომების ავტოგრაფები, შავი სამუშაო ჩანაწერები და სხვ.