18 მაისი თბილისის საერთაშორისო ლიტერატურული ფესტივალის გახსნის დღეა. საღამოს 09:30 მწერალთა სახლის ბაღში დაიწყება პოეზიის ღამე ყველა სტუმრისა და ქართველი პოეტების მონაწილეობით!

თავის ლექსებს წაიკითხავენ:

კეროლინ ფორშე, აშშ

კიმბერლი ჯონსონი, აშშ

რაულ შროტი, ავსტრია

ვერა პავლოვა, აშშ

სერგეი ჟადანი, უკრაინა

კლაუდიო პოცანი, იტალია

ავსტრიელი მწერალი, პოეტი, მთარგმნელი და ლიტერატურის მკვლევარი რაულ შროტი საუბრობს ლიტერატურის მუზეუმის დირექტორთან, ისტორიკოსთან და ენათმეცნიერთან ლაშა ბაქრაძესთან ჰესიოდეს "თეოგონიასა" და ჰომეროსის "ილიადას" შესახებ - უძველესი ტექსტები, მათი წყაროები და კონტექსტები.

რაულ შროტი სწავლობდა ლიტერატურას ნორვიჩის, პარიზის, ბერლინისა და ინსბრუკის უნივერსიტეტებში. სადოქტორო დისერტაცია დაიცვა თემაზე „დადა - 1921-1922 ტიროლში“ და შემდგომაც გააგრძელა დადაიზმის საკითხებზე სამეცნიერო მუშაობა. წერს რომანებს, მოთხრობებს, ლექსებს. თარგმნის თანამედროვე და ანტიკურ პოეზიას. 2008 წელს დაასრულა ჰომეროსის „ილიადის“ გერმანულენოვანი თარგმანი და „ტროას საკითხზე“ რამდენიმე სამეცნიერო სტატიაც გამოაქვეყნა. სულ 22 წიგნის (პოეზია, პროზა, თარგმანები, სამეცნიერი კვლევები) ავტორია.
2002 წლიდან არის გერმანიის ენისა და ლიტერატურის აკადემიის წევრი.
მიღებული აქვს არაერთი ლიტერატურული პრემია.

შეხვედრა გაიმართება ლიტერატურის მუზეუმში, მისამართი: გია ჭანტურიას ქ. 8

დისკუსიის ენა: გერმანული, ქართული თარგმანით.

რაულ შროტის მონაწილეობას თბილისის ლიტერატურულ ფესტივალში მხარს უჭერს გოეთეს ინსტიტუტი საქართველოში.

ვერა პავლოვა, რუსული წარმოშობის ამერიკელი პოეტი წაიკითხავს თავის შემოქმედებას თბილისის საერთაშორისო ლიტერატურული ფესტივალის მეორე დღეს კავკასიურ სახლში 19 მაისს, 6 საათზე. საღამოს გაუძღვება პოეტი შოთა იათაშვილი.

მისამართი: გალაკტიონის ქ. 20

ვერა პავლოვა დაიბადა 1963 წელს, მოსკოვში. ლექსების წერა 20 წლის ასაკში, პირველი ქალიშვილის დაბადების შემდეგ დაიწყო. პირველად მისი ლექსები 24 წლის ასაკში დაიბეჭდა ყოველთვიურ ლიტერატურულ ჟურნალ „Юность“-ში. პავლოვა პოპულარული გახდა 62 ლექსის გამოქვეყნების შემდეგ, რომელიც გაზეთ „Сегодня“-ს ჩანართის სახით გამოიცა. ვერა პავლოვამ 18 პოეტური კრებული გამოსცა რუსეთში, რომელთაგან სამი - „Везде“ (2003), „Ручная кладь“ (2006), „Письма в соседнюю комнату“ (2006) ნომინირებული იყო, როგორც წლის საუკეთესო წიგნი. ახლახან გამოცემული კრებული უნიკალურია იმით, რომ მასში შესულია ვერა პავლოვას ხელნაწერი 1001 ლექსი, ილუსტრირებული მისი ქალიშვილის ნახატებით, რომელიც მაშინ 4 წლის იყო.
პავლოვას ლექსები 22 ენაზეა ნათარგმნი. მონაწილეობდა საერთაშორისო პოეტურ ფესტივალებში აზერბაიჯანში, ბელგიაში, გერმანიაში, საბერძნეთში, საფრანგეთში, იტალიაში, შვეიცარიაში, ჰოლანდიაში, უკრაინაში, დიდ ბრიტანეთში, აშშ-ში, სომხეთსა და უზბეკეთში. მისი პოეზიის კითხვა გაიმართა არაერთ ამერიკულ სკოლასა და უნივერსიტეტში.

ახალგაზრდა პოლონელი მწერალი მიკოლა ლოზინსკი ისაუბრებს თავის შემოქმედებაზე და თავის ახალ რომანზე "წიგნი".

პოლონელი ავტორი მიკოლა ლოზინსკი დაიბადა 1980 წელს ვარშავაში. სწავლობდა სოციოლოგიას სორბონის უნივერსიტეტში. მისი ნაწარმოებები მრავალ ენაზეა ნათარგმნი. ლოზინსკის თხზულებათა შორისაა: „Reisefieber” („მოგზაურობის ცხელება“) (2006), „წიგნი“ (2011) და მოკლე საბავშვო მოთხრობების კრებული „ზღაპრები იდასთვის“. მიღებული აქვს კოშციელსკის ფონდის პრემია (2007), ჟურნალ „პოლიტიკას“ პრემია კულტურულ სფეროში „Passport of Polityka“ (2011) და იანის ბალტვილკის საერთაშორისო პრემია საბავშვო ლიტერატურაში. ლოზინსკი ცხოვრობს ვარშავაში მეუღლესთან და ორ შვილთან ერთად.

შეხვედრის ენა: პოლონური, ქართული თარგმანით

სარა ბოუერი

მწერალი, დიდი ბრიტანეთი

ბრიტანელ პროზაიკოსს, სარა ბაუერს არაერთი ჯილდო აქვს მიღებული რომანებისა და მოთხრობებისთვის. 2007 წელს რომანისათვის „სისხლიანი ნემსი“ მოიპოვა სიუზენ ჰილის პრემია. მეორე რომანი, „სიყვარულის წიგნი“ (ამერიკული სათაურია „ბორჯიათა ოჯახის ცოდვები“) ცხრა ენაზე ითარგმნა და 2009 წელს „ტორონტო გლოუბისა“ და „მეილის“ ბესტსელერად იქცა. მეოთხე რომანი, „ეროზია“ 2014 წელს გამოიცა. მოთხრობები და ესეები კი მრავალგზის დაიბეჭდა ისეთ გამოცემებში, როგორიცაა „MsLexia“, „Words Without Borders“ და „Asian Cha“, ასევე გადაიცა ბიბისის რადიოთი.

ანთეა ნიკოლსონი

არტისტი, მწერალი, დიდი ბრიტანეთი

ვიზუალურმა არტისტმა, ანთეა ნიკოლსონმა მხატვრული პროზის წერა მოგვიანებით დაიწყო. 2005 წელს მოიპოვა შემოქმედებითი წერის მაგისტრის დიპლომი ბეთ სპა უნივერსიტეტში, შემდეგ კი ერთი წლის მანძილზე დარტმურის ცხვრის ფერმაში იყო მივლინებული, როგორც რეზიდენტი მწერალი. ანთეა ნიკოლსონი თბილისის სიახლოვეს, თავის ქართველ პარტნიორთან ერთად სახლს აშენებს და ველურ ბუნებაზე ზრუნავს. ნიკოლსონი ცხოვრობს ბრისტოლში (ინგლისი) და ამ ორ ადგილს შორის მუდმივად მოძრაობს.

„მცურავი ღრუბლების ალამი“, რომელიც გამომცემლობა „გრანტა ბუქსმა“ 2013 წელს გამოსცა, ანთეა ნიკოლსონის სადებიუტო რომანია. ამჟამად მწერალი მეორე რომანზე მუშაობს. 

ანთეა ნიკოლსონის მონაწილეობას თბილისის საერთაშორისო ლიტერატურულ ფესტივალში  მხარს უჭერს საქართველოში ბრიტანეთის საბჭო.

სარა ბოუერის შემოქმედებითი წერის ვორკშოპი თავისუფალი უნივერსიტეტის სტუდენტებთან
ენა : ინგლისური

ავსრიელი პოეტი და მწერალი რაულ შროტი გოეთეს ინსტიტუტში ხვდება გერმანულენოვან მკითხველებს. მისი პოეზიის თარგმანებს წაიკითხავს მთარგმნელი მაია ლიპარტელიანი. 

რაულ შროტი

პოეტი, მწერალი, მთარგმნელიდალიტერატურისმკვლევარი, ავსტრია

რაულ შროტი ლიტერატურას ნორვიჩის, პარიზის, ბერლინისა და ინსბრუკის უნივერსიტეტებში სწავლობდა; სადოქტორო დისერტაცია დაიცვა თემაზე „დადა - 1921-1922 ტიროლში“ და შემდგომაც გააგრძელა დადაიზმის საკითხებზე სამეცნიერო მუშაობა. წერს რომანებს, მოთხრობებს, ლექსებს.  თარგმნის თანამედროვე და ანტიკურ პოეზიას. 2008 წელს დაასრულა ჰომეროსის „ილიადის“ გერმანულენოვანი თარგმანი და „ტროას საკითხზე“ რამდენიმე სამეცნიერო სტატიაც გამოაქვეყნა. სულ 22 წიგნის (პოეზია, პროზა, თარგმანები, სამეცნიერი კვლევები) ავტორია.

2002 წლიდან არის გერმანიის ენისა და ლიტერატურის აკადემიის წევრი.

მიღებული აქვს არაერთი ლიტერატურული პრემია.

რაულ შროტის მონაწილეობას თბილისის ლიტერატურულ ფესტივალში მხარს უჭერს გოეთეს ინსტიტუტი საქართველოში.

ენა: გერმანული

20 მაისს, თბილისის საერთაშორისო ლიტერატურული ფესტივალის ფარგლებში მოეწყობა პრეზენტაცია წიგნებისა "ჩრდილების მარში" და "ქართული თანამედროვე პოზიის ანთოლოგია იტალურ ენაზე". წარადგენს მთარგმნელი - ნუნუ გელაძე

კლაუდიო პოცანი

პოეტი, პროზაიკოსი და მუსიკოსი(იტალია)

კლაუდიო პოცანიმ პოეტური პერფორმანსებით არა მხოლოდ იტალიაში გაითქვა სახელი, არამედ ევროპის, აზიის, აფრიკის, ჩრდილო და სამხრეთ ამერიკის სხვადასხვა საერთაშორისო პრესტიჟულ ლიტერატურულ ფესტივალებსა და ტურინის, მონრეალის, პარიზის, კუბის, ფრანკფურტის წიგნის საერთაშორისო ბაზრობებზე.

კლაუდიო პოცანის ლექსები თარგმნილია მრავალ ენაზე და შეტანილია პრესტიჟულ ანთოლოგიებსა და ლიტერატურულ ჟურნალებში.

პოცანიმ 2010 წელს, მუსიკოსებთან ფაბიო ვერნიცისა და ანდრეა ვიალარდისთან ერთად   გამოსცა ლექსთა კრებულის „ჩრდილების მარშის“ აუდიოჩანაწერი, რომელიც  პირველად აუდიოპოეზიის ისტორიაში ექვსი კვირის განმავლობაში იტალიური დამოუკიდებელი რადიოების  საუკეთესოთა ოცდახუთეულში სახელდებოდა.

კლაუდიო პოცანიმ 2001 წელს დააარსა „პოეზიის საერთაშორისო სახლი“, სახლი განთავსებულია გენუის დოჟების სასახლეში, სადაც ყოველწლიურად  180 უფასო ღონისძიება ტარდება.

კლაუდიო პოცანის მონაწილეობას თბილისის საერთაშორისო ლიტერატურულ ფესტივალში მხარს უჭერს საქართველოში იტალიის საელჩო

ლიტვის მწერალთა კავშირის ხელშეწყობით და საერთაშორისო პოეტური ფესტივალის "ლიტვური გაზაფხულის" ფარგლებში, თბილისის საერთაშორისო ლიტერატურულ ფესტივალში მონაწილეობას მიიღებენ ლიტველი პოეტები და თავის ლექსებს წაიკითხავენ: გიტის ნორვილასი, ანტანას იონინასი, ლიუტაურას დიაგესისი, ვიქტორას რუდჟიანსკასი, მინდაუგას ვალიუკასი და ვიოლეტა შობლინსკაიტე.