7 მაისს, 19:00 საათზე, მწერალთა სახლი/Writers' House of Georgia-ში, გიწვევთ ნათია ფანჯიკიძის წიგნის წარდგენაზე.

დასწრება თავისუფალია.

◾️ წიგნი გამოიცა გამომცემლობა „არტანუჯისა“ და ჟურნალ „ლიბერალის“ თანამშრომლობით.

ზეინაბ ბარნოვი
"ისტორია"

პროფესიით სოციოლოგი ზეინაბ ბარნოვი ფოტოგრაფიაში 90-ინი წლებიდანგამოჩნდა. ის იყო პირველი ქალი ფოტოკორესპონდენტი “საქინფორმის”ფოტოქრონიკაში, წლების მანძილზე მუშაობდა პრეზიდენტის პრესსამსახურში დაიყო ჟურნალ “ანაბეჭდის” ფოტორეადაქტორი.

2005-2006 წლებში ბარნოვი მოღვაწეობდა მოსკოვის ხელოვნების საგამოფენოცენტრში “The Moscow Fine Art Fair”- მსოფლიო მნიშვნელობის საგამოფენო სალონი წარმოდგენილი ცნობილი გალერეებით Academy of Arts Gallery, Art Deco, Bvlgari,Chanel, Magnum Arts და სხვა. ამავე წლებში ბარნოვი სისტემატიურად თანამშრომლობდა პოპილარულ ჟურნალებთან “Vogue”, “Harper’s Bazaar”, “Mezonin”,“L’Officiel”. ფოტოგრაფი მრავალი საერთაშორისო გამოფენის მონაწილეა, მას მიღებული აქვს პრემიები ნომინაციებში “ჟანრული ფოტო”, “მხატვრული ფოტო”.

გამოფენაზე წარმოდგენილია ზეინაბ ბარნოვის 90-იანი წლების კოლექცია, რომელშიც ასახულია ომგამოვლილი მაგრამ უკეთესის მომლოდინე დედაქალაქი. ასეთი მკაცრი რეალობის ფონზე დანახული თბილისი საოცრად ლირიულია.
- - -

მეორე მსოფლიო ომმა უამრავი ადამიანი შეიწირა. ადამიანები იღუპებოდნენ არა მხოლოდ ბრძოლაში, არამედ რასობრივ ნიადაგზეც - საკონცენტრაციო ბანაკებში. რასიზმზე, ანტისემიტიზმზე და ნაციზმის სისასტიკეზე უამრავი წიგნი დაწერილა, ბოლო წლებში გამოცემული წიგნებიდან კი ერთ-ერთი განსაკუთრებული ისტორიაა ირლანდიელი მწერლის, ჯონ ბოინის წიგნი "ბიჭი ზოლიან პიჟამაში".
ეს არის ძალიან სევდიანი, ღრმა და დამაფიქრებელი ამბავი ორ თანატოლ ბიჭზე, ცხრა წლის გერმანელ ბრუნოსა და პოლონელ ებრაელ შმუელზე, რომლებიც მავთულიანი ღობის ორ სხვადასხვა მხარეს აღმოჩნდებიან და თავიანთი უდანაშაულობის მიუხედავად, მსხვერპლად ეწირებიან უფროსების სისასტიკეს.

შეხვედრები "ბავშვები მწერალთა სახლში" იმართება შაბათობით, 13:00 საათზე. შეხვედრებს უძღვება საბავშვო მწერალი ვასო გულეური. დასწრება თავისუფალია

2019 წლის 17-21 მაისს მწერალთა სახლი რიგით მეხუთე ლიტერატურულ ფესტივალს უმასპინძლებს. ხუთი დღის განმავლობაში მწერალთა სახლი პარტნიორ ორგანიზაციებთან ერთად სივრცეს დაუთმობს ლიტერატურულ და საგანმანათლებლო საღამოებსა და დისკუსიებს. ფესტივალის სტუმრები იქნებიან მწერლები აშშ-დან, იტალიიდან, პოლონეთიდან, მაკედონიიდან, ნიდერლანდებიდან, ბელარუსიდან, უკრაინიდან და სხვა ქვეყნებიდან.

უკვე მეხუთე წელია თბილისის საერთაშორისო ლიტერატურული ფესტივალი ქვეყნის ერთ-ერთი უმნიშვნელოვანესი კულტურული ღონისძიებაა. მას არ აქვს ანალოგი კავკასიის რეგიონში, შესაბამისად, ფესტივალი იმ აქტივობებს შორისაა, რომლებიც თბილისის კულტურულ ცენტრად („ჰაბად“) ქცევას განაპირობებს.

განვლილ ფესტივალებზე ჩვენი სტუმრები იყვნენ დიბისი პიერი, ეთგარ კერეთი, ვიქტორ ეროფეევი, იბრაჰიმ ალ-ქუნი, სერგეი ჟადანი, ტომას ვენცლოვა, ფილიპ ბესონი, იულია ფიედორჩუკი, იური ანდრუხოვიჩი, აიზეკ მერიონი, ვერა პავლოვა და სხვა არაერთი საინტერესო და აღიარებული მწერალი.

წელს თბილისის საერთაშორისო ლიტერატურულ ფესტივალს ეწვევა 19 ავტორი 15 ქვეყნიდან, რომელთა შორის არიან: მაიკლ პალმერი(აშშ); იუჯინ ოსტაშევსკი (აშშ); მელანია მაცუკო (იტალია); ვალჟინა მორტი (ბელარუსი); ლინდა მარია ბაროსი (საფრანგეთი); ლევ რუბინშტეინი (რუსეთი); მანფრედ ხობოტი (ავსტრია).

თბილისის V საერთაშორისო ლიტერატურული ფესტივალის მთავარი თემაა ლიტერატურის ორი პოლუსი და გაორება. გარდა საერთაშორისო პროგრამისა, ფესტივალის მნიშვნელოვანი ნაწილია ქართული პროგრამაც, სადაც ათი ქართველი ავტორი მოგვითხრობს საკუთარ ლიტერატურულ მისტიფიკაციებზე. მეტიც -თბილისის მეხუთე საერთაშორისო ლიტერატურულ ფესტივალზე რამდენიმე მისტიფიკატორის ვინაობა გამოვლინდება - ისინი სწორედ ფესტივალის დღეებში გაგვიმხელენ პირველად საკუთარი ლიტერატურული მეორე „მე“-ს არსებობის შესახებ.

დასწრება თავისუფალია!

კონრად ადენაუერის ფონდის სამხრეთ კავკასიის წარმომადგენლობა იწყებს ახალი ინიციატივის განხორციელებას და ქმნის საჯარო დიკუსიების პალტფორმას - Why Policy Matters?- რომლის მთავარი მიზანია მიმდინარე სოციალურ-პოლიტიკური მოვლენებისა და აქტუალური პოლიტიკური თემების, დარგის სპეციალისტებთან ერთად, კრიტიკული და განსხვავებული პერსპექტივით შეფასება. პირველი საჯარო დისკუსია დაეთმობა ევროპის ერთ-ერთ ძირითად ღირებულებას - სიტყვისა და აზრის გამოხატვის თავისუფლებას.

ზუსტად 70 წლის წინ, გერმანიის კონსტიტუციაში ჩაიწერა დებულება, რომელიც მოქალაქეთა ძირითად უფლებებსა და თავისუფლებებს განმარტავს. უფრო კონკრეტულად კი, კონსტიტუციის მე -5 მუხლით განსაზღვრულია გამოხატვის თავისუფლება, როგორც ინდივიდის ერთ-ერთი ხელშეუხებელი და ფუნდამენტური უფლება. საქართველოს კონსტიტუცია 24 წლისაა. დღევანდელი კონსტიტუციის მე-17-ე მუხლი ადგენს გამოხატვის თავისუფლებას, როგორც საქართველოს სახელმწიფოს უმნიშვნელოვანეს ელემენტს.
დემოკრატიული სახელმწიფოს ძირითადი ამოცანაც სწორედ საკუთარი მოქალაქეების კონსტიტუციური უფლებების, როგორც შიდა, ასევე გარე საფრთხეებისგან დაცვაა. გამოხატვისა და სიტყვის თავისუფლება კი აღნიშნულ კონტექსტში უმნიშვნელოვანესია.

- რა როლი აკისრია სიტყვის, წერისა და გამოხატვის თავისუფლებას დემოკრატიაში?

- როგორ გვესმის დამოუკიდებელი მედია, თავისუფალი ხელოვნება და მეცნიერება?

- რა შეზღუდვები შეიძლება დააწესოს სახელმწიფომ, რათა თავიდან იქნას აცილებული სოციალური ცენზურა?

- რას ნიშნავს კომპეტენტური მედია და ჟურნალისტიკა?

საჯარო დისკუსიის მონაწილეთა შორის არიან:

- ტომას ვირნი, მედიის სამართლის ექსპერტი, გერმანია
- ნინო დანელია, ილიას სახელმწიფო უნივერსიტეტის პროფესორი
- მამუკა ანდღულაძე, საერთაშორისო გამჭვირვალობა - საქართველოს პროგრამის მენეჯერი
- პაატა შამუგია, პოეტი, პენ-ცენტრის პრეზიდენტი

მოდერაცია: ქრისტინა ბელმან, კონრად ადენაუერის ფონდის მეცნიერ-თანამშრომელი