მწერალთა სახლი

26 თებერვალს, 18:30 საათზე ჟურნალი „ინდიგო“ გიწვევთ მწერალთა სახლში საჯარო დისკუსიაზე.

როგორ გვესმის და ვმართავთ ფსიქიკურ აშლილობას, ვუსმენთ თუ არა ფსიქიკური აშლილობის მქონე პაციენტებს და ვაძლევთ თუ არა მათ საშუალებას თავად ჩაერთონ მკურნალობისა და დაავადების მართვის პროცესში. როდის ვეხმარებით პაციენტებს დამოუკიდებლობის მიღწევაში და როდის ვუზღუდავთ მათ თავისუფლებას. როგორ უნდა დავიცვათ მყიფე საზღვარი უსაფრთხოებასა და პაციენტების უფლებებს შორის – „ინდიგოს“ 24-ე ნომერში გამოქვეყნებული სტატია სწორედ ამ საკითხებს ეხმიანება.

ფსიქიკური ჯანმრთელობის სისტემა საქართველოში მკურნალობის მოძველებული მიდგომების ახალი მეთოდებით ჩანაცვლების პროცესშია. პროცესი კი სისტემის მემკვიდრეობისა და ფინანსური ბარიერის გამო ხანგრძლივი და კომპლექსურია.

რა გვიმემკვიდრა ძველმა სისტემამ, როგორ ვმკურნალობთ ფსიქიკურ აშლილობას დღეს და როგორია ის პროგრესული მეთოდები, რომელიც პაციენტის ინტერესებსა და უფლებებზეა ორიენტირებული.

თითოეული სტუმრის მონაწილეობა დისკუსიაში მნიშვნელოვანია, რათა სხვადასხვა პერსპექტივიდან დავინახოთ და გავიაზროთ დასმული კითხვები.

„ინდიგოს“ და აუდიტორიის კითხვებს უპასუხებენ:

ნინო მახაშვილი – ფსიქიატრი, ფონდის „გლობალური ინიციატივა ფსიქიატრიაში – თბილისი“ დირექტორი, ფსიქიკური ჯანმრთელობის რესურს-ცენტრის ხელმძღვანელი ილიას სახელმწიფო უნივერსიტეტში

ეკა ადამია – შრომის, ჯანმრთელობისა და სოციალური დაცვის სამინისტროს ჯანდაცვის დეპარტამენტის საზოგადოებრივი ჯანმრთელობის დაცვისა და პროგრამების სამმართველოს უფროსი

ეკა ჭყონია – ფსიქიატრი, საქართველოს ფსიქიატრთა საზოგადოების თავმჯდომარე

ოლგა კალინა – საერთაშორისო ორგანიზაცია „ფსიქიატრიული სერვისების ყოფილი მომხმარებლების და გადარჩენილების ევროპული ქსელის“ თავმჯდომარე

დისკუსია იმართება ფონდ „ღია საზოგადოება – საქართველოს" მხარდაჭერით.

დასწრება თავისუფალია

See Less