12-16 ნოემბერს მწერალთა სახლი გიწვევთ დავით სარაჯიშვილის დაბადების დღესთან დაკავშირებული კვირეულის „დავით სარაჯიშვილის სტიპენდიანტები“ გახსნაზე.
კვირეული მოიცავს დავით სარაჯიშვილის სტიპენდიანტების გამოფენას, სადაც წარმოდგენილი იქნება მათი ფოტოები, ნივთები და ნამუშევრების ორიგინალები. 
ზაქარია ფალიაშვილი, დიმიტრი არაყიშვილი, მელიტონ ბალანჩივაძე, ვანო სარაჯიშვილი, გიგო გაბაშვილი, იაკობ ნიკოლაძე, მოსე თოიძე - ეს მხოლოდ ნაწილია იმ ადამიანებისა, რომელთა განათლებაში დიდი წვლილი სწორედ დავით სარაჯიშვილს ეკუთვნის.
კვირეულის ფარგლებში გაიმართება საჯარო დისკუსია ქველმოქმედების შესახებ.
12.11.11.00 - კვირეულისა და გამოფენის გახსნა
12.11.15.00 - საჯარო დისკუსია - "ქველმოქმედება საქართველოში, ისტორია, პრობლემები და ფილანტროპიის კანონი"
გთხოვთ, გვეწვიოთ!

დისკუსიაში მონაწილეობენ - ლელა შუბითიძე (მწერალთა სახლი)რომელიც ისაუბრებს თემაზრ, სარაჯიშვილი, როგორც ფილანთროპი და, მარინა თაბუკაშვილი (ფონდი "ტასო"), რომელიც ისაუბრებს პარლამენტში ინიცირებულ ფილანთროპიის კანონზე

ჰაინრიჰ ბიოლის ფონდი წარმოგიდგენთ საჯარო ლექციების ციკლს ფემინიზმის შესახებ. 

პირველი ლექცია შედგება 29 ოქტომბერს - 19:00 საათზე - მომხსენებელი ფილოსოფოსი თამარ ცხადაძე - "ანტიფემინიზმი: უმეცრება, უპასუხისმგებლობა თუ ბრძოლა პრივილეგიების შენარჩუნებისათვის" 

დასწრება თავისუფალია.
ლექციების სრული განრიგი:

29 ოქტომბერი, ოთხშაბათი - „ანტიფემინიზმი - უმეცრება, უპასუხისმგებლობა თუ ბრძოლა პრივილეგიების შენარჩუნებისთვის?“ (თამარ ცხადაძე)

4 ნოემბერი, სამშაბათი - „ფემინიზმი და ქალთა უფლებები, მოძრაობა ნაპირიდან ცენტრისკენ“ (ლელა გაფრინდაშვილი)

12 ნოემბერი, ოთხშაბათი - „ვის ეშინია საბედისწერო ქალის?“ (თეო ხატიაშვილი) და „გენდერი და სექსუალობა ქართულ კინოში“ (თამთა თათარაშვილი)

19 ნოემბერი, ოთხშაბათი - „ქალისა და კაცის თანასწორობის იდეა მართლმადიდებლურ თეოლოგიაში“ (რუსუდან გოცირიძე და თინა მეგრელიძე)

2 დეკემბერი, სამშაბათი - „თანამედროვე ფემინისტური აქტივიზმი საქართველოში“ (იდა ბახტურიძე)

მწერალთა სახლი გიწვევთ ხათუნა ჭანიშვილის წიგნის „გრიგოლ რობაქიძის პუბლიცისტიკა“ პრეზენტაციაზე.
როგორც წიგნის რედაქტორი ნოდარ ტაბიძე ამბობს „წიგნი განკუთვნილია გრიგოლ რობაქიძის ცხოვრებითა და შემოქმედებით დაინტერესებული მკითხველისთვის. 1917-1921 წლების კულტურულ-პოლიტიკური მოვლენები, მწერლის ბიოგრაფია, შემოქმედება და პუბლიცისტიკაა ის თემები, რომელთა გადაკვეთისას შეიქმნა ეს ტექსტი“.

გრძელდება მწერალთა სახლის ლექციების ციკლი საუბრები ლიტერატურაზე