12 ივლისს, 18.30 საათზე მწერალთა სახლი გიწვევთ პოეტ ზაურ ბოლქვაძის რჩეულის პრეზენტაციასა და ხსოვნის საღამოზე.
ზაურ ბოლქვაძე დაიბადა 1933 წლის 2 აპრილს ჩოხატაურის რაიონის სოფელ გუთურში. 1955 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი. 
10 წლის განმავლობაში მუშაობდა უნივერსიტეტის გაზეთის მთავარ რედაქტორად. შემდეგ კი სატირულ იუმორისტული ჟურნალ "ნიანგის" მთავარ რედაქტორად. 
დაბეჭდილია მისი 16-მდე კრებული ქართულ, რუსულ და აფხაზურ ენებზე. ასევე, ლირიკული ლექსები, იუმორისტული მინიატურები და ექსპრომტები. 
მინიჭებული აქვს ივანე ჯავახიშვილის სახელობის სახელმწიფო პრემია. 
ზაურ ბოლქვაძის შემოქმედება გამორჩეულად უყვარს მკითხველს. მან ხალასი იუმორითა და ადამიანების მიმართ უდიდესი სიყვარულით განვლო ცხოვრება. 
ზაურ ბოლქვაძის ლექსები დიდი პოპულარობით სარგებლობს დღესაც. 
2015 წელს გამომცემლობა ''აჭარამ'' გამოსცა მისი რჩეული, სადაც სხვადასხვა ჟანრის თხზულებებია შესული. 
ჰყავს მეუღლე ნანა დარჩია და შვილი, იუნესკოს მშვიდობის არტისტი, პიანისტი ელისო ბოლქვაძე.
საღამოს სტუმრებს საშუალება ექნებათ პოეტის რჩეული შეიძინონ.