1 აპრილს , 19.00 მწერალთა სახლი ციკლიდან „საუბრები ხელოვნებაზე“ გიწვევთ კინორეჟისორ სანდრო ჯანდიერის საჯარო ლექციაზე - „ტარკოვსის ანდრეი რუბლიოვი - ცხოვრება და იდეალი“ .საჯარო ლექცია კინო-ეპიზოდების ჩვენებით.

ანდრეი რუბლიოვი - ტარკოვსკის მეორე სრულმეტრაჟიანი ფილმი - ეპიკური ჟანრის კინო-ნაწარმოებია, რომელიც აღწერს რუსი ხატმწერის - რუბლიოვის მოგზაურობას მე-15 საუკუნის რუსეთში. ამავე დროს, ეს არის მოგზაურობა ანდრეი - ხელოვანის სულიერ სამყაროში სადაც ტარკოვსკის შემოქმედების ცენტრალური თემებია გაშლილი: ყოველდღიურობა და აღმაფრენა, ისტორია და ძალადობა, რწმენა და ეჭვი, ხელოვნების არსი და ბუნებრივი სილამაზის სიყვარული. ამ სამყაროსთან ჭიდილში აღმოჩნდება ანდრეი - ადამიანი, ბერი და მოგზაური, რომელიც თავის თავში რწმენასა და შემოქმედებით ძალას ეძებს, რათა დოგმის მიღმა საკუთარ ხედვას მიაგნოს და კაცობრიობას შესთავაზოს ახალი ფორმა, რომელიც არა მოშიშეობას, არამედ სიყვარულსა და ჰარმონიას ეფუძნება.

3 აპრილიდან 19 აპრილამდე მწერალთა სახლი გიწვევთ ფრანგი ფოტოგრაფისა და კინოხელოვანის ემანუილ რიუფოლის გამოფენაზე SELF-DIRECTION. 
ემანუელ რიუფოლი ფრანგი ფოტოგრაფია და კინოხელოვანია. 
ემანუილ რიუფოლმა ფოტოგრაფობა დაიწყო სამხრეთ ამერიკაში 1988 წელს, როდესაც ბოლივიასა და პერუში მოგზაურობის დროს ემანუელს და მის გადამღებ ჯგუფს საშუალება ჰქონდათ ალაკულუფელი უკანასკნელი ინდიელები გადაეღოთ. ამ მოგზაურობას მოჰყვა მისი პირველი გამოფენა.
ემანუელის ფოტონამუშევრები დღეს მრავალ ქვეყანაში იფინება. პარიზში მის ფოტოებს ისეთი გალერეები წარმოადგენენ , როგორიცაა გალერი ობრეკამფი, პატრიკ ჰობეიკა და პერ რემი. 
2000 წელს ემანუელ რიუფოლმა პარიზში, პერ ლაშეზის უბანში საკუთარი სტუდია -ატელიე-ლაბორატორია დაარსა. ეს არის მულტი-დისციპლინარული სივრცე რომელიც ბევრი გამოჩენლი ფრანგი თუ უცხოელი თანამედროვე ხელოვანის ნამუშევრებს წარმოადგენს.
ემანუელ რიუფოლი 2013 წელს საქართველოში ჩამოვიდა მისი მეგობრისა და კოლეგის - სალომე ალექსის სადებიუტო ფილმზე სამუშაოდ. "კრედიტის ლიმიტი"-ის გადაღების პროცესითა და საქართველოთი შთაგონებულმა კიდევ რამოდენიმე ხანი დაჰყო თბილისში, იმოგზაურა ხევსურეთში.
გამოფენა SELF-DIRECTION ამ მოგზაურობის ანაბეჭდია.