ლიუდმილა ულიცკაია პოპულარული და აღიარებული მწერალია რუსეთსა და ევროპის ბევრ ქვეყანაში.  იგი დაჯილდოებულია ისეთი პრემიებით, როგორიცაა მედიჩის და სიმონ დე ბოვუარის პრემიები, ავსტრიის სახელმწიფო პრემია ევროპულ ლიტერატურაში, რუსული „ბუკერი“, რუსული „დიდი წიგნი“, საპატიო ორდენის კავალერი (საფრანგეთი),  და სხვ. ულიცკაია რამდენიმე რომანის და მოთხრობების კრებულის ავტორია. ბოლო წლებში მწერალი  აგრეთვე ცნობილია მოქალაქეობრივი  პრინციპულობითა და უკომპრომისო დამოკიდებულებით რუსეთის არსებული ხელისუფლებისადმი.

4 მარტს, საქართველოს მწერალთა სახლში გაიმართება არილის მორიგი საქველმოქმედო აქცია. ლევან გიგინეიშვილი წაიკითხავს ლექციას თემაზე: ენტონი ბერჯესის "მექანიკური ფორთოხალი" – თვითნებობიდან თავისუფლებამდე. აქვე გაიყიდება არილის ძველი და ახალი ნომრები, რომლის შემოსავალიც მთლიანად არილის ბეჭდვის ხარჯებს მოხმარდება.