მწერალთა სახლი  გამომცემლობა „დიოგენესთან“ ერთად საქართველოს განათლების, მეცნიერების, კულტურისა და სპორტის სამინისტროს მხარდაჭერით გასცემს  ვახუშტი კოტეტიშვილის სახელობის პრემიას პოეზიის მთარგმნელებისთვის. პრემიის მიზანია, წაახალისოს და დააჯილდოვოს პოეზიის საუკეთესო   მთარგმნელები.

პრემია გაიცემა ორ ნომინაციაში:

• წიგნად გამოცემული ნათარგმნი პოეზია 
• ლიტერატურულ პერიოდიკაში დაბეჭდილი პოეზიის თარგმანი.

პრემია  ყოველწლიურია და ის ტრადიციულად, დეკემბრის ბოლოს გაიცემა.