მწერალთა სახლის მიერ მიხეილ ჯავახიშვილის 140 წლის საიუბილეოდ გამოცხადებული ესეების კონკურსი საქართველოს სკოლების უფროსკლასელთათვის დასრულდა.
 

მოსწავლეებს მიხეილ ჯავახიშვილის შემოქმედების მიხედვით სამი შემოთავაზებული თემიდან უნდა დაეწერათ ერთ-ერთი:

• ადამიანის ბედი ეპოქალური ცვლილებების დროს („ჯაყოს ხიზნების“ მიხედვით);
• როცა კანონი არ არსებობს („ეშმაკის ქვის“ მიხედვით);
• ჩემი საყვარელი ნაწარმოები მიხეილ ჯავახიშვილის შემოქმედებიდან.

გამარჯვებულები გამოვლინდებიან მიხეილ ჯავახიშვილის დაბადების დღეს, 20 ნოემბერს. ქვეყანაში შექმნილი ეპიდსიტუაციიდან გამომდინარე, გამარჯვებულების დასახელება მოხდება მწერალთა სახლიდან პირდაპირი ონლაინჩართვის დროს, 15:00 საათზე.


გაიცემა სამი პრემია, გამარჯვებულები დაჯილდოვდებიან  წიგნის მაღაზია „ბიბლუსის“ ვაუჩერებით.

I პრემია - 500 ლარიანი ვაუჩერი

II პრემია - 300 ლარიანი ვაუჩერი

III პრემია - 200 ლარიანი ვაუჩერი

თვალი ადევნეთ მწერალთა სახლის ფეისბუქგვერდზე პირდაპირ ონლაინ ჩართვას 20 ნოემბერს, 15:00 საათზე.

გისურვებთ წარმატებებს!