მწერალთა სახლის ხელშეწყობით, 1 ნოემბერს 17 საათზე (გერმანიის დროით) ყოველწლიური ფესტივალის ,,ქართული კვირეული” ფარგლებში ფრაიბურგში ლევან ბერძენიშვილის წიგნის ,,წმინდა წყვდიადი” წარდგენა გაიმართება.

ღონისძიებას მოდერაციას გაუწევს კატია ვოლტერსი.


2020 წელს COVID-19-ის პანდემიიდან გამომდინარე, ფესტივალი 29 ოქტომბრიდან 1 ნოემბრის ჩათვლით ონლაინ-რეჟიმში გაიმართება. 

ქართული კულტურისა და ლიტერატურის კვირეული გერმანიაში, ქალაქ ფრაიბურგში 2017 წლიდან ყოველწლიურად იმართება. კვირეულს ორგანიზებას უწევს Arts Dialogue e.V და Freiburger Künstleragentur Künstlertribüne.