მწერალთა სახლში ვახუშტი კოტეტიშვილის პრემიის გამარჯვებულები დააჯილდოეს.

ვახუშტი კოტეტიშვილის სახელობის პრემია ნომინაციაში, წიგნად გამოცემული ნათარგმნი პოეზია,  გადაეცა მედეა ზაალიშვილს წიგნისათვის „თარგმანები“, გამომცემლობა „არტანუჯი“/

ლიტერატურულ პერიოდიკაში დაბეჭდილი პოეზიის საუკეთესო თარგმანად დასახელდა  დათო ბარბაქაძის მიერ თარგმნილი  ნიკოლას ლენაუს  ლექსები , ჟურნალი „ახალი საუნჯე“.

გამომცემლობა "დიოგენეს" სპეციალური პრიზით დაჯილდოვდა მთარგმნელი დალილა გოგია. 

პრემია 2016 წლიდან გაიცემა და იგი წინა წელს გამოცემულ თარგმანებს აფასებს. წელს საკონკურსოდ განიხილებოდა 2017 წელს წიგნად/ელექტრონულ წიგნად გამოცემული პოეზიის თარგმანები და ლიტერატურულ პერიოდიკაში გამოქვეყნებული პოეზიის თარგმანის პუბლიკაციები. პრემიის ოდენობა წიგნის ნომინაციაში - 1800 ლარია, ხოლო პუბლიკაციისა - 700 ლარი.

პროექტი დაფინანსებულია განათლების, მეცნიერების, კულტურისა და სპორტის სამინისტროს მიერ.